James Michener

James Michener

1907-1997

Amerikaf englavaf suterotik

James Albert Michener ( 03/02/1907 - 16/10/1997 ) tir amerikaf suterotik, i aptik va izvaf berpot. Blirizva Michener al suter da va intafa evla ke koblira isu xo me grupeckeyer. Gan Mabel Michener brogadikya koe Pennsylvania soka ton Quaker vexeem zo gaayar. Inafa suterotafa klepa bak Toleafa Tamavageja tozuwer edje tir rikulik dene totervolia. Keve redjel vagee Pacifika Welfa va biraf izvopik yordar. Kum intyona straga is liteem va taneafa neva suter, i va Tales of South Pacific nume gu Pulitzer Poradro bak 1948 zo gabler. Michener va mon 40 berpot al suter. Wetce sutesik va izvaf berpot zo torigir. Va yona izvafa bifa walbuson va sordik al pwader enide va vieleuca ke rekola is sare loeke pestalesir. Tawavopa is tuwava tid miv korobackik ke inaf grabom. Va berpot ton korundarapa ik tuilkara va tawek jontikviele al bokar. Bula aname koblira ke Michener idjon ice inaf suterotaf grabom tigir. Koe lo berpot, in mali xanta bokar enide va refa tamava di lasoltrakur ise va amerikaf selt is runda gina gan Tanarasokeem koe tamava di gildar. James Michener tiyir famaf va amerindiafa lazava. Tiyir tan taneik miniepeson zobeyes. Indiafa watsa tir dilizesafa koe inyon berpot ( Chesapeake is Centennial is Caribbean vaon vrutapad ). James Michener va jontiko poradro isu semek remi blira al kazawar, grewanon gu inafa jontika disafa erbaziliwalera pu kotla ik nevaxe ik tcila ik sodegara.

James Michener  Koblira  03/02/1907,  Tanarasokeem  Awalkera  16/10/1997,  Austin, Tanarasokeem  Vedeyot  Tanarasokeem  Ava  Englava  Suterind  Berpot   Suterot  Tales of the South Pacific (1946) The Fires of Spring (1949) Return to Paradise (1950) The Voice of Asia (1951) The Bridges at Toko-ri (1953) Sayonara (1954) Hawaii (1959) Caravans (1963) The Source (1965) Iberia (1968) The Drifters (1971) Centennial (1974) Chesapeake (1978) - Chesapeake The Watermen (1978) The Covenant (1980) Space (1982) Poland (1983) Texas (1985) Legacy (1987) Alaska (1988) Journey (1988) Caribbean (1989) The Eagle and The Raven (1990) The Novel (1991) South Pacific (1992) Mexico (1992) My Lost Mexico (1992) Recessional (1994) Miracle in Seville (1995)   Tuveli icde Suteroteem