Tsaghats Kar

Teliz mal Wikipedia.
Aller à la navigation Aller à la recherche

Tsaghats Kararmenavon Ցաղաց քար Վանք ) tir armenafe tucpastaxe tigise koe Yeghegis dota ke Vayots Dzor winka vagee Xayastana.

Tucpastaxe vas bat taltef yonak ( dem Surp Hovhannes uja isu Surp Astvatsatsin is tanoye gavit gijaxe et konake flixe ) is ban ronef yonak ( dem Surp Karapet uja isu Surp Nshan ) ruldar. Tir evlon gu X-eafa decemda isu XI-eafa.

Tawavopafa debala[betara | va krent betá]

Tsaghats Kar tice Yeghegis krant tigir, moe geefa krimpa ke Vardenis jaka, wale Artabuynk wida isu Horbategh isu Yeghegis, poke Smbataberd savsafa ralma.

Tsaghats Kar tucpastaxe
Tsaghatskar,Smbataberd.jpg
Tsakhats Qar Monastery (12).jpg
Ցախաց Քար վանական համալիր54.JPG
Ցախաց Քար վանական համալիր45.JPG
Jadif wiks va debak
Wiks va pak ke debak
Surp Karapet uja isu Surp Nshan
Rawaks ke Surp Astvatsatsin uja isu Surp Hovhannes

Izva[betara | va krent betá]

Zabdura va taltef yonak ke Tsaghats Kar co tir evlafa gu gazugal ke Abas bak X-eafa decemda solve taltef yonak bak 1041 gadenon gan Vardik gertik is rotir zobenon gan gazik ke Syunik zo kolnayar.[1]

Bak 1221 zo dimempar.[2] Bak XIV-eafa decemda wan tir runkafe voxe re tir rawafe.[1]

Kolna[betara | va krent betá]

Tsaghats Kar tucpastaxe vas toloy yonak ruldar : bat taltef ( dalaf ) is ban ronef, voke 200 m-.[1] Va konak xatckar atcom moe debak trasit.[2]

Taltef yonak[betara | va krent betá]

Taltef yonak vas Surp Hovhannes uja isu Surp Atsvatsatsin is tanoye gavit gijaxe is konake flixe [2] vawale migexa ruldar. Me tir zikeyen.[1]

Gegison va ronefa rebava ke anambe, Surp Hovhannes uja kolnayana bak 989 [3] tir tantamaxofa uja dem galza daykesa vas tanoya swalorafa tola vox re atitsuyusa ; geefa rebava gu tanoya ponyacka wale toloya gentimafa olkobama zo tuvarayar.[1] Tantamaxofa amudama gee bana uja tigir.[1]

Dere keve ronefa rebava vox lenteon, Surp Astvatsatsin uja tir balemtamaxofa uja dem lekeon vimava, is gekeveon dadisa va tanoya lupaxa ( rotir idulugalafe gavit gijaxe ).[4] Zovdom va turestara ke taltefa Syunik gola bazecker.[3] Abrotcafe gavit gijaxe volmiv kolnayane gan Shahanduht gazikya ke Syunik bak 1000 abdueon tigir [4], dem istef zovdom is tise zobexiskafe.[5]

Wale bata toloya uja, kovdagalzakoraf plor kaikion zo vegeduyur ise kal bat pak ke tucpastaxe star.[1]

Taltef yonak
Tsakhats Qar Monastery (4).jpg
Ցախաց Քար S-M 192.jpg
Ցախաց Քար S-M 206.jpg
Ցախաց Քար S-M 214.jpg
Wiks rawafa Surp Astvatstin uja
Surp Hovhannes uja, rawaks
Rawaks
Rawaks

Ronef yonak[betara | va krent betá]

Ronef yonak vas Surp Karapet uja isu Surp Nshan ruldar.[1]

Vanovayana gan Gagik II gazik ke Armena numaz kolnayana bak 1041 [6], Surp Karapet uja tir gamdakorafa is budenafa dem moefa akintakorafa truga dem tanafa takaxa.[1] Lentak ke tumtaxo gu balumaks kaatoes va trig zo zikeyer.[2] Divefa zikexa ( rontagentimaf xutek ke geefi tuveli, is dilk xutanaf gu fixu ) tir ordafa gu Ani serna. [7], Dere tir dem balumaks va kiiz vannaris va namulolye bene geef lentor, is balumaks va krapol dilfus va jaftolye bene lentef lentor.[1]

Surp Karapet uja
Tsaghatskar,KarapetE.jpg
Ցախաց Քար վանական համալիր7.JPG
Tsaghatskar,Karapet-Bema.jpg
Ցախաց Քար վանական համալիր23.JPG
Ronuf wiks va uja
Truga ke uja
Balumaks ke tumtaxo
Balumaks va krapol bene lentor

Milevlon vegeduyuna Surp Nshan uja tir tantamaxofa dem abdukevefa omafa olkoba is vreptakorafa mawama ; bata tolvegemafa pona va caxafi fli ke kolna soxer.[8] Taltef lentor tir dem tanoya remefa ponyacka dem jontolafa vokoda, is do drumvokeon toloy xatckar atcom milevlaf gu 1041.

Surp Nshan uja
Tsaghatskar,KarapetNshanNW.jpg
Tsaghatskar,NshanNW.jpg
Ցախաց Քար S-M 218.jpg
Surp Nshan kadimeon. Surp Karapet kabdueon
Wiks va uja
Xatckar atcom divkeve uja

Dere rupec[betara | va krent betá]

Alkaxo ke Xayastana

Tsaghats Kar tucpastaxe
Wiks va Tsaghats Kar tucpastaxe
DEBALA
Patecta Xayastana   Flag of Armenia.svg     
Winka Vayots Dzor winka
Tigixo Yeghegis dota
Maneka OOjs UI icon mapPin-progressive.svg 39° 53′ 42″ L-, 45° 24′ 08″ R-
KIRA
Alka Armenafa kristeva
Ord Armenafe tucpastaxe
Vegedura X-XI-eafa decemda
Nuvola 2.0+ Sculpture.svg  Tuveli icde Yamba  Nuvola 2.0+ Sculpture.svg
P Parthenon 2.svg  Tuveli icde Izvopa  P Parthenon 2.svg
Tigixo ke Tsaghats Kar

Vuestexa[betara | va krent betá]

  1. 1,0 1,1 1,2 1,3 1,4 1,5 1,6 1,7 1,8 et 1,9 (fr) Patrick Donabédian is Jean-Michel Thierry, Les arts arméniens, Éd- Mazenod, Paris, 1987, ISBN 2-85088-017-5.
  2. 2,0 2,1 2,2 et 2,3 (en) Nicholas Holding, Armenia and Nagorno-Karabagh, Bradt Travel Guides, 2006, ISBN 978-1841621630.
  3. 3,0 et 3,1 (fr) Patrick Donabédian is Jean-Michel Thierry, Les arts arméniens, bu 177.
  4. 4,0 et 4,1 (fr) Patrick Donabédian is Jean-Michel Thierry, Les arts arméniens, bu 178.
  5. (fr) Patrick Donabédian is Jean-Michel Thierry, Les arts arméniens, bu 198.
  6. (fr) Patrick Donabédian is Jean-Michel Thierry, Les arts arméniens, bu 169.
  7. (fr) Patrick Donabédian is Jean-Michel Thierry, Les arts arméniens, bu 153.
  8. (fr) Jannic Durand is Ioanna Rapti is Dorotea Giovannoni, Armenia sacra — Mémoire chrétienne des Arméniens (IVe – XVIIIe siècle), Somogy / Louvre tcila, Paris, 2007, ISBN 978-2-7572-0066-7, bu 136.