Sirta koe Galette sukarn (trutca ke Renoir)
|
Sirta koe Galette sukarn ( francavon Bal du moulin de la Galette ) tir trutca lumkirafa gu 131 × 175 cm-, i puntalingeks keve stama skuyun gan Auguste Renoir francaf lingesik bak 1876. Bata trutca koe Orsay tcilaxe koe Paris koe Franca re ( 2018 ) tigir. Gan soka bak 1894 zo urlickeyer, iskemayana gan Gustave Caillebotte dotayes lingesik. Nakila afiana remu toeem koe Galette sukarn ( Moulin de la Galette disukexaxo ) moe Montmartre kesi koe Paris dilizer. Pimtara[betara | va krent betá]Nakila diveon dilizer, kare stege govemupene gan litevik, bak kielaf taneaviel, ugale Galette sukarn disukexaxo koe Montmartre tiyir kiewatcapafo. Tigis korik ke nakila tid nik ke lingesik : tezik is lingesik is xonobasik. Va Georges Rivière suterotik is Norbert Gœneutte lingesik isu Franc-Lamy rundanyayas aname taneazentafa azega ropilkomodat, is va lane Estelle debanyese moe starka do Frédéric Samuel Cordey. Renoir va daavafi tari dem korik ke koti seltki moe trutca batkane volar, i dem korik walzilis va ugalany ik talteon stutes ik roneon ginelas ik vikizes ik ulis. Va baroya azenta rotentut : koe taneafa to prilara ke debanyesik tir ; koe toleafa, stutesik tigid ; isen koe bareafa, kolna tid lize kitcova zo rowir. Ute savera va cuuca mu taneafa azenta az adrefa yosuca inde lo lingesik askid, yosuca kotlize tigir numen antafa walwira va ilsuye kan rane ke kaatoenik zo sopur. Renoir va bata nakila ton faltamafa vanama ciaena gu afikretsa djukukaatoer, i gu afikretsa memilton walmuneyena dumede artstitison va tari, va aaltoeem co remstid. Renoir to tuke afi va koredikeem divetisir, tulon vatalte nakila va tolonga nutigisa aname afi moe sid isen raltadukaf gem ke ayikya va bata keska tupoar ise abduplatir. Renoir va brioxafa uka loleon sizuntasa kare xo zanudar. Dere rupec[betara | va krent betá]Stragela[betara | va krent betá]
|
| |||||||||||||||||||||||||
