Robertson suola

Robertson suola

Robertson suola ( okon lujorafa suola ) tir suolinda dem norazayana ekwa is lujorafa veyada. Koe Kanada nelkon trasit voxen ina koe arak ke tamava dere tigir.

Kira

Peter Robertson kanadik va milyoltafa suola isu suolasiki bak 1908 redur aze direilanon psoler. Konakar tikis psol kaikion zo vertokad, isen tel bocaf bak 1964 plur.

Robertson suolasiki kan tanoya nuba zo rofaver, gunuyason va toleafa, isen nubay bak suolara zo ronyur teka suola soye luber. Ini ta suolara ton rontaf gentim ok aryon wavdaf lag dere zo rofavlar.

Robertson va sorta koe Britana doleyer voxen dolemba ja tineyer numazen in va kazafa roka godimlusteyer. Batcoba tiyir yarlacapa. Batdume nope bata bagalaja, va kota dolera va sorta pu bettan di vewayar. Henry Ford va suola weslayar nume katcalayar da ina va ugalap ta iara va direm volmiv wayar. Voxen va kaxaura va sorta gan Robertson mbi vewayar. Ise sonkeson da vaneksara va bata suola me zo ozeyer, pune va favera mu ant iaxe ke Ford sistu koe Kanada kimayar.^[1]^[2]^[3]

Vuestexa

↑ (en) Robertson Screws
↑ (en) [http://inventors.about.com/od/sstartinventions/a/screwdriver.htm History of Screws and Screwdrivers
↑ (en) Barbara Martindale, Caledonia: Along the Grand River, 01/03/1996, ISBN 978-0-920474-81-5, internetaf krent

Robertson suola

	Titickasa suola
Ludzekirafa • Phillips • Pozidriv • Torx • Allen • Robertson • Tri-Wing • Torq-set • Snake-eye

	Titickaxa
Grunsakirafa	Zarla • Ribakorafo kilbo • Tevkrilafo kilbo • Brawesk • Grunsaridja • Suola
Grunsiskafa	Cepta • Asmi • Wirioza • Terafi anamkuri • Ludzekirafi anamkuri

[1] (en) Robertson Screws

[2] (en) [http://inventors.about.com/od/sstartinventions/a/screwdriver.htm History of Screws and Screwdrivers

[3] (en) Barbara Martindale, Caledonia: Along the Grand River, 01/03/1996, ISBN 978-0-920474-81-5, internetaf krent

[1]

[2]

[3]