Pozidriv suola

Pozidriv suola

Pozidriv suola tir tana titickasa suolinda psoleyena gan GKN Screws and Fasteners sistu bak 1962.^[1]^[2]

Kira[betara | va krent betá]

Bata suolinda tir noeltafa loon dam prostewafa gamdakorafa suola ( dem Phillips enaav ) ise adre divlizer. Ton mila swava dam gamdakorafa suola al zo envar, vaxeda kor ke koinga tir amidackafa jupasa da enaav tici suolara me buber. To suolasiko dem jadion tolapokimas frez vukir. Bate ckane va cuera ke sopusik va enkap kastar. Ostik lozolonafo tolapo zo rorewar.

Tcala ke Pozidriv enaav tir ton PZ az lan otuk ( solve tcala ke Phillips enaav tir ton PH ). Pozidriv suola drikon zo kagruper : koinga tir ton alubotsaf bitej : dem balemoya otsapa dum Phillips koinga, voxis balemoya otsama gentimon icu 45°.

Peroy lum ke Pozidriv suola krulded : PZ-0 is PZ-1 is PZ-2 is PZ-3 is PZ-4 is PZ-5 is PZ-6.

Gusesuca[betara | va krent betá]

Phillips koinga isu Pozidriv rietovon tid megucesa beka nutid riwe milkafa. Enaav ke gamdakorafa suola ko Pozidriv suola zo gomefaver isen volson. Phillips enaav va garesta ko Pozidriv suola sokatoer ise tod tolapopo me di giwer, batinde blokason va koinga. Pozidriv enaav va Phillips koinga somegucer.^[3]

Vuestexa[betara | va krent betá]

↑ (en) GKN SCREWS AND FASTENERS Ltd, « Improvements in or relating to screw threaded fasteners and drivers for use therewith », Google patents,‎ 04/05/1962.
↑ (en) Alan Pritchard, Research Engineering & Manufacturing Inc., « Recessed head fastener and driver combination », Google patents,‎ 11/12/2015.
↑ (en) Matt Higgins, « What is the Difference: Screw Bits - Phillips vs. Pozidriv », Fine Homebuilding, vol. 154, n° Nov- 2015,‎ 16/09/2015, bu 38, rupeyen ba 25/09/2015.

Pozidriv suola

	Titickasa suola
Ludzekirafa • Phillips • Pozidriv • Torx • Allen • Robertson • Tri-Wing • Torq-set • Snake-eye

	Titickaxa
Grunsakirafa	Zarla • Ribakorafo kilbo • Tevkrilafo kilbo • Brawesk • Grunsaridja • Suola
Grunsiskafa	Cepta • Asmi • Wirioza • Terafi anamkuri • Ludzekirafi anamkuri

[1] (en) GKN SCREWS AND FASTENERS Ltd, « Improvements in or relating to screw threaded fasteners and drivers for use therewith », Google patents,‎ 04/05/1962.

[2] (en) Alan Pritchard, Research Engineering & Manufacturing Inc., « Recessed head fastener and driver combination », Google patents,‎ 11/12/2015.

[3] (en) Matt Higgins, « What is the Difference: Screw Bits - Phillips vs. Pozidriv », Fine Homebuilding, vol. 154, n° Nov- 2015,‎ 16/09/2015, bu 38, rupeyen ba 25/09/2015.

[1]

[2]

[3]