Asmi

AWB logo draft.png  Tuveli icde Brubeopa  AWB logo draft.png
Teliz mal Wikipedia.

Asmi

Asmi tir yantafa akinta iwoteganon yanetesa kan sugarama.

Elupkuca ke gluya tir nope yotesuca wale asmi is belceyen olkotceem.

Nouliasmi abdi koplekura azu radimi.

Tode belcera va lyava bene mialpa gu sugarapa zo levgar, pune dutcek zo faver.

Asmi va konaki fli rodir :

  • tuyalestara va lana olkotca kapbure ara ;
  • tirkara va lana olkotca kapbure ara ( tirkasi asmi );
  • zanudara va lya ;
  • zanudara va musafa olkotca : iwotegara tod kaikvajara.

Asmiinda[betara | va krent betá]

Konaka asmiinda tid rodadina :

  • akintafi asmi dinesi va kseasa ginderacka.
  • feyafi asmi, feyemafi num jupasi va kseara nekev melimafa xakoba.
  • dermafi asmi dem baroya wakafa derma, nekisi va adeera ke yanta kir dimelagdara ; ba kseara, derma teron iltazukawed nume va yotesa garestiskafa kseara ravaldad.
  • terafi asmi yoltkirafi gu Mecanindus fenton meltukeyeni is tanameyeni num wakon ludzeyeni.
  • ludzekirafi asmi kum mialanamkaf azilfem stimanaf num tazukas va ekwa tufakasa va maltioltera ba grikseara.
  • grunseyeni asmi drikon rodeswani gu betsava.

Grikseara[betara | va krent betá]

Asmiplatisiki va grikseara va asmi tod trek zanudar. Tod betsava, to asmi dem grunseyene fe ta deswara tir.

Vuestexa[betara | va krent betá]

Asmi

Grunsakirafi asmi.

Grunseyeni asmi.

Beta asmi.

Ludzekirafi asmi okon gu nouliasmi.

AWB logo draft.png Screwit.svg  Titickaxa  AWB logo draft.png
Grunsakirafa  

ZarlaRibakorafo kilboTevkrilafo kilboBraweskGrunsaridjaSuola

Grunsiskafa

CeptaAsmiWiriozaTerafi anamkuriLudzekirafi anamkuri