Prilara:Xadola

Teliz mal Wikipedia.
Sauter à la navigation Sauter à la recherche

Refo emudexo (12/03/2019)[va krent betá]

- Batu bu tiyir telu warzafu num refu bu vas emudexo ke kotavafa xadola, nope lokafa dotrakura ke nelkaf webesik.
- Darefu bu, inkeyenu mali redura ba 2017, zo arrundayar voxe zo videyer, dem intaf izvot, den bate mane : Va drumbaca den Wikipedia (1-eaf siatos).

(fr) Cette page constitue la nouvelle et actuelle page d'acceuil de l'encyclopédie Kotava, suite à un accord majoritaire des principaux contributeurs.
La page précédente, en place depuis la création en 2017, a été déplacée et conservée, avec son historique, à cette adresse : Va drumbaca den Wikipedia (1-eaf siatos).

--Axel xadolik (talk) 07:47, 12 March 2019 (UTC)

Zvak ta fintaracka ke emudexo[va krent betá]

Fintas zvak ke emudexo tir. Cwe to aksatarura me al zo abditrakur. Larde Axel re mea roviunsur, pune toktan co roledunger ? Zveri ke Abitibi (talk) 19:47, 1 April 2020 (UTC)

There's a problem with the April template. Normally the content was updated every month. Maybe we could extend the March template. Kuroselo (talk) 08:28, 2 April 2020 (UTC)
Va batcoba di viunsú. Va teza ke bareaksat fu dimplekú aze va warzafa icde balemeaksat undeté. Nevatovol (talk) 12:17, 2 April 2020 (UTC)
Va emudexo tori balemeaksat gu bu icde Jidoldunol (Primates) su betá. Mu Axel larde to in stas va Moukol Abdumimaks. Nevatovol (talk) 13:54, 3 April 2020 (UTC)
Grewá, teza ware flickir. Kuroselo (talk) 04:08, 4 April 2020 (UTC)
Dere grewá. Axel va abdumimaksap icde moukoleem al bokar. Jidoldunoleem tir zolonaf is dulapepes pak, goxe in gracer. Pokolé da boreon is galenyeson fu dimpir. Zveri ke Abitibi (talk) 20:18, 6 April 2020 (UTC)

Tuwinugara va avk.wikipedia[va krent betá]

Angelalux, Askolds lietuvik, Axel xadolik, Biscuit 26507, Catskill Painter, ClaudiaVisentini, Curacaví Marisel, Gabriel Antiange, Herakles2000, Katxis, Kotavusik, Kuroselo, Nevatovol, Onontio Capitanal, Ravanui, Recaredo, Riimsth, Seramikya, Viking dem Kerusuk, Yuyapachay, Zveri ke Abitibi

Va kottan kiavá. Minaf kotavaf xadolaf abdumimaks uleon gu 14/07/2020 parmon su zo tuenar. Diotera al tir abrotcifa numen jontika keuca isu vobuca isu kobavera al tid adrafa gu lajubuivera va prealapaf gorasik ke Wikipedia. Trenafa tegira mali tolda is duga ke skuyusa kobavera is zegara ke kottan va trovgara va lirkeem is tsunereem al tceded. Va kot win gu batcoba sendapá ise grewá !!

Brubefa pastara va abdumimaks re zo skur voxe va abic viel rotuadrar. Soe liedje meka elekara di tir, pune dum abdion koe Incubator xo va teliz wan goredut ike gobetat. Viele pastara sokitir, pune mivaskafa graskara gu avk.wikipedia.org warzafe mane vodjutur. To banlize banvielu gokobavetet, milinde is milkane. Tela lonelkafa amidaca titir mea adrafa miwara va wp/avk abduosta ta kofa gluyaxa : batcoba titir loon opelafa is erodolkap.

Viele warzafo xadolaxo al zo inketer, pune va abdumimaks varon feliletet ise va tanoy ok konak ristusik godasugdatat, tarkason va libusa dioteracka.

Minaf xadolaf abdumimaksany su zo kevnaler, rotit oklaf nume wivet !! Voxen tele wavde tozuwer, trabe blisira va bitonaf cek isu vonera enide in vanpir eravapa zanon gu kotavusikeem.

Gire va win grewá, don apton Axel arse boreon dimpitis. Nevatovol (talk) 20:59, 14 July 2020 (UTC)


  1. Anye, adim ! Stragacká. Va kottan grewat. Wan skut !! Catskill Painter (talk) 04:24, 15 July 2020 (UTC)
  2. Kiewapon. Abiceke kotavú voxe loloon tukiewawé. Bata xadola en tir eravanya. Grewá. Askolds lietuvik (talk) 06:49, 15 July 2020 (UTC)
  3. Great! Grewapa! Herakles2000 (talk) 09:20, 15 July 2020 (UTC)
  4. Anye ! Va webesikeem grewat ise lintet. Bat abdumimaks tir donaf is tel lotanuskaf ke vegedunaveem. Axel boreon fu dimpir, gales warzot tid kiewackaf. Fantastico! ClaudiaVisentini (talk) 10:53, 15 July 2020 (UTC)
  5. ¡Genial! Empecé a contribuir hace poco pero estoy muy interesado en este proyecto. Muchas gracias a todos.
    Anye ! Abicedje toz webé voxe va bat abdumimaks dulapepé. Va kottan grewapá. Curacaví Marisel (talk) 20:31, 15 July 2020 (UTC)
  6. Diotera tiyir abrotcifa voxen daneks artfir. Kotavusa doda va dadira is vonera va man abdumimaks riwer. Kiewapon. Kuroselo (talk) 10:07, 17 July 2020 (UTC)
Ba toka nesida ckanefa wartazukasa diotexa tir ? Kuroselo (talk) 09:56, 23 July 2020 (UTC)