Marmato

Marmato tir dotama iste Kolombia, valenttalte Caldas winka, kene Cauca kuksa. Dotawidot arte 90 km- lenttalte Manizales tigir. Izva Marmato bak 1537 gan Juan Badillo dositik ke Sebastián de Belalcázar zo zabduyur, i tana losavsafa wida ke Caldas winka is Kolombia. Moavaxo is dilgavaxo koe Marmato banugale zo kosmayad. Mali aluboya decemda dun zo saved. Bak XVIII-eafa decemda, savera va moava gan pilkotap dem mon 100 levetirik ke Ansermas amerindiaf grelt ik male Afrika zo askiyir. Sanelia Varafa sanelia ke Marmato tir vas 9096 irubasik otulayan bak 2015, don 1079 koe widega is arak koe konako monaxo.

Marmato RISTULA Patecta Kolombia   Gola Caldas winka Welmot 41 km² SANELIOPA Sanelia 9096 ir- (2015) TAWAVOPA Maneka  5° 28' 31" L-, 75° 35′ 57" T- Ontine 1310 m- LAPIRA, LIZIBA Bira, kuksa Rid Kelot Vawa Debala ke Marmato koe Caldas winka