Las Manos (arula)

Las Manos arula, tir abdiizvugalaf debak tigis koe Santa Cruz winka vagee Argentina. Tamavafa Gadakiewega Bak 1999 wetce arayaf debak ke tamavafa gadakiewega ke UNESCO zo bendeyer. Ugalopa Joxara is evlara kan 14-e beba va dzetaf lingeks ke Las Manos arula nedid ba sin tid evlon gu konake sare : Losavsaf lingeks tid weti mon 13000 tanda icde taneafa ayikafa lospa ( A martiginda ). Tcabanesa nakila zo kaatoed. Toleafa arayafa vwa ( B martiginda ) co tir evlon gu 7000 tanda. Tcabanesa nakila mea tid, isen raporafa yamba nelkon tir dem kevolafa nuba. Va rubiaks va gulday dace trasit. Bata araya kali mon -3300 trenayar ugale yamba vanpir loon vierdafa, koplekuson va martigapayana sulemkorafa vola isu ayakorafa. Dulap Debak va tana losavsafa muxara va abdiizvugalafa yamba koe Geefa Amerika divendir. Arula is cek ko Tamavafa Gadakiewega gan UNESCO zo dakteyed. Aryon debak Aryon vemaf abdiizvugalaf debak koe Los Toldos is Piedra Museo is El Ceibo koe Santa Cruz winka zo kosmayad, i debak evlon gu 13000 tanda. Drunara Las Manos arula tir ke enk dem geeamerikaf abdiizvugalaf debak alutas va savsackafa frofara va Amerika, do tulon Monte Verde ( Tcilea ) is Pedra Pintada ( Brasila ). Las Manos arula Las Manos arula, Río Pinturas Las Manos arula vas burkafa belca dem dzetafa yambaxa skuyuna weti 9500 ik 13000 tanda ruldar. Yolt ke arula ( arula dem nuba ) tir nope tigira ke rubiaks va nuba skuyun keve dzeta voxen vas jontik kaatoeks va sulem dum driviabol ( Lama guanicoe ) re ware tigis koe gola, is nakila va tcabanera dere ruldar. Skusik va bat lingeks co rotid ambik ke izvafa doda dem yestatcabanesik ke Patagonia kakeveyena gan europaf boniasik bak XIX-eafa decemda. ~ UNESCO : Cueva de las Manos, Río Pinturas (en) The Cueva de las Manos, Río Pinturas, contains an exceptional assemblage of cave art, executed between 13,000 and 9,500 years ago. It takes its name (Cave of the Hands) from the stencilled outlines of human hands in the cave, but there are also many depictions of animals, such as guanacos (Lama guanicoe ), still commonly found in the region, as well as hunting scenes. The people responsible for the paintings may have been the ancestors of the historic hunter-gatherer communities of Patagonia found by European settlers in the 19th century. ~ UNESCO website, licence CC-BY-SA IGO 3.0 Ewava va Las Manos arula Dere rupec Pedra Pintada arula ( Brasila ) Toquepala arula ( Perua ) Vuestexa (es) Las Manos arula - Sitio de la Estancia Cueva de las Manos, donde se encuentran las cuevas y el alero. (en) Las Manos arula

Las Manos arula DEBALA Debala Río Pinturas, Santa Cruz winka Argentina   Maneka  47° 09′ G-, 70° 40′ R- KIRA Ord - Sidopugal Ayafe sare Madeleine Sare Ontine ke kolanixo - m- Grupene abrotce 248 m- Las Manos arula Tamavafa gadakiewega ke UNESCO DEBALA Tawavaf seg Amerika Patecta Argentina        Winka Santa Cruz Winka Maneka  47° 09′ G-, 70° 40′ R- KIRA Ord Arayaf debak Ludeem (iii) Debakaf otuk 936 Bendesa ilana 1999 ( 23-eaf frugot ) Welmot km² Pebura va arula