Pedra Pintada (arula)

Pedra Pintada arula tir rawopaf debak tigis valente Brasila. Bak istife Madeleine Sare zo nobayar, moni -13200 AR tanda. Inafa kosmara al jupar da lanyona rietova icde ayafa exonera ko Geeamerika warzon zo gokrafiad. Anna Roosevelt amerikaf rawopik is nelfaf aneyasik kobaves va arula mali 1990 malyedar da muka trasiyina koe arula az evlayana danedid da savsamerikik koe bata gola sumion tigiyid. Bantan va araya volruptesa is amidafa gu tela ke ayafa lospa milugale irubasa koe azekapa ke Lenteamerika dikiyid. Banvieli aneyasikeem trakuyur da frofara va Amazonia al tiyir gavefa loon dam tela ke Andes rodega ise va azekexaxo dye al mallaniyir. Debala Pedra Pintada arula poke Monte Alegre widava ke Pará soka valente Brasila, koe bostxo ke Amazonas bost tigir. Monte Alegre galdaf gerd bak 2001 anameon zo reduyur, ta sumpara va koyutasik. Suxara Zolonafa suxara remi 1990 ik 1992 gan Anna Roosevelt is Illinois Kotla ke Chicago zo skuyud. Titef vweem ke arula kan 14-e beba is thermoluminescence ckane gu -12000 ik -13200 AR tanda zo evlayad. Bata savsapafa evla va remgrupera va ayafa kerelera ko Amazonas bostxo di vanolayar. Roosevelt malyedar da arula wazder da Amazonia valevi walkalusa ruyera banvieli dostena zo frofayar. Titef vweem ke arula va tubebayan ruxaf xim isu sulemaf is zavzaks ke raporafa xeka don yona kabotsa caeyer, nume batcoba tiaver da taneaf worasik tiyid tcabaneyestasik koe abdafa bwanameda. Bat savsamerik remi 1200 tanda faveyed, iskeson va xim ke enga is fay ( don supe ) is kabay is zveri is perake is tulwadunol is salmadunol. Mon 30 000 bregay ke ilbodeyena raporxa koe arula zo trasiyid. Lingeks Yoni rilafi lyovaki is lingbelaxa ke dzetaf lingeks zo evlayad. Bat lingeks zo torigid da tid tel losavsaf grupen koe Geeamerika is kotafa amerikafa tadava. Va radekasa ayikya is darkasaberopaf zovdaks is gaboteyena nuba ton beretrafa is kerafa is blafotafa uka tulon kaatoed. Vuestexa Pereira, Edithe (2003) Arte rupestre na Amazônia: Pará: 27-28, 148. Editora UNESP. Roosevelt, Anna (1991) "Eighth Millennium Pottery from a Prehistoric Shell Midden in the Brazilian Amazon". Science 254 (5038): 621-1624. Roosevelt, Anna (1996) "Paleoindian cave dwellers in the Amazon: the peopling of the Americas". Science 272 (5260): 373-384. Saraceni, Jessica E. is Adriana Franco da Sá. "People of South America." Archaeology. Vol. 49, n°4, 07/08/1996. Wilford, John Noble. "Scientist at Work: Anna C. Roosevelt: Sharp and To the Point In Amazonia", New York Times. 23/04/1996. Divefa klita Dispatches from Brasil (blog) dem afigasuteks va lingeks ke arula

Pedra Pintada [[Iyeltak:|border|300px|Lingeks keve dzeta ke arula]] DEBALA Debala poke Monte Alegre, Pará soka Brasila   Maneka  05° 40′ G-, 52° 44′ T- KIRA Ord - Sidopugal - Ayafe sare Madeleine Sare Ontine ke kolanixo 120 m- Grupene abrotce 89 m-