Gndevank

Gndevank ( armenavon Գնդեվանք ), tir armenafe tucpastaxe tigise koe Gndevaz wida ke Jermuk dota koe Vayots Dzor winka vagee Xayastana.

Tucpastaf belcak bak X^-eafa decemda nelkon zo kolnayar. Dalafe xe tir uja dem gavit gijaxe. Abic xatckar atcom poke uja lapted.

Tawavopafa debala

Tucpastaxe koe krantoza ke Arpa poke Jermuk widava tigir ^[1], koe xo batlize yoltkirafo gu « Krant dem zopoka » nope burgifa zopoka poke debak.^[2]

Izva

Tucpastaxe bak 936 gan Sofia kurenikya ke Smbat gazik ke Syunik zo redur.^[3] In co kaliyir : « Vayots Dzor tiyir akobiskaf maserk voxen va batcoba ton akoba ke bat maserk al vegedú. »^[1] Va abiccoba icde izva ke bate tucpastaxe grupet. Pakafa dimempara bal sovietaf ugal wali 1965 is 1969 radimi ruftacek zo skuyur ^[4], voxe meviele di zo tenukeyer.^[2]

Kolna

Kolnayana bak 936 sedme xantaza, uja ke tucpastaxe gu Tumtaf Awalkexik ^[3] ok Stepanos Tumtikye ^[5] zo tarizayar. Tir balemtamaxof ^[3] dem ronefa vrepta kum burgi dem toloya gentimafa amuda ^[2] is ticefa ivamufa truga is tanoy feykoraf sfelt.^[4] Sedme Stepanos Orbelian izvopik ke XIII^-eafa decemda ^[6], koexo gu rebavaf lingeks gan lane Yeghishe bak X^-eafa decemda zo zikeyer.^[2] Divefa zikexa tir anton dem ponyaska.^[2]

Gavit gijaxe bak 999 jafayane gan Kristapor tucpastokilik zo loplekuyur.^[7] Zovdom tir mefavamaf nope toloya lentefa bonta don tanoya ape tiyir yordakirafa gu nevaxo.^[2]

Arak ke debak tir dem tanoyo estuxo uzifo gu toloye taneafe xe,^[8] is dem fuxedja is aryona tucpatafa kolna is migexa : bat vegeduks tid evlaf gu XVII^-eafa decemda. Konak xatckar atcom dere tigid.^[2]

Gndevank tucpastaxe

Wiks va belcak ke tucpastaxe	Wiks va uja	Wiks va uja	Wiks va uja

Koexo ke uja

Koe uja	Koe uja	Koe uja	Sfelt is afita

Migexa ke tucpastaxe

Lentorafa migexa	Migexa	Rawafa migexa	Divefa migexa

Xatckar atcom koe debak

Xatckar dive uja	Xatckar koe migexafa rebava	Xatckar koe fuxedja ke uja	Tum dem Xatckar diveon

Dere rupec

► Alkaxo ke Xayastana

Gndevank tucpastaxe

Tucpastaxe

DEBALA

Patecta

Xayastana

Winka

Vayots Dzor winka

Tigixo

Gndevaz

Maneka

39° 45′ 32″ L-, 45° 36′ 38″ R-

KIRA

Alka

Armenafa kristeva

Ord

Armenafe tucpastaxe

Vegedura

X^-eafa decemda

Tuveli icde Yamba

Tuveli icde Izvopa

Vuestexa

1 2 (en) John Brady Kiesling, Rediscovering Armenia : An Archaeological/Touristic Gazetteer and Map Set for the Historical Monuments of Armenia, Yerevan, 2009, 71 bu.
1 2 3 4 5 6 7 (fr) Sèda Mavian, Arménie, coll. « Guides Évasion », Hachette, Paris, 2006, ISBN 978-2-01-240509-7, bu 186.
1 2 3 (fr) Patrick Donabédian is Jean-Michel Thierry, Les arts arméniens, Éditions Mazenod, Paris, 1987, ISBN 2-85088-017-5, bu 177.
1 2 (en) Nicholas Holding, Armenia and Nagorno-Karabagh, Bradt Travel Guides, 2006, ISBN 978-1841621630, bu 183.
↑ (de) Jasmine Dum-Tragut, Armenien: 3000 Jahre Kultur zwischen West und Ost, Trescher Verlag, 2008, ISBN 978-3-89794-126-7, bu 356.
↑ (fr) Patrick Donabédian is Jean-Michel Thierry, Les arts arméniens, bu 179.
↑ (fr) Patrick Donabédian is Jean-Michel Thierry, Les arts arméniens, bu 178.
↑ (fr) Patrick Donabédian is Jean-Michel Thierry, Les arts arméniens, bu 310.

[ref1-1] 1 2 (en) John Brady Kiesling, Rediscovering Armenia : An Archaeological/Touristic Gazetteer and Map Set for the Historical Monuments of Armenia, Yerevan, 2009, 71 bu.

[ref2-2] 1 2 3 4 5 6 7 (fr) Sèda Mavian, Arménie, coll. « Guides Évasion », Hachette, Paris, 2006, ISBN 978-2-01-240509-7, bu 186.

[ref3-3] 1 2 3 (fr) Patrick Donabédian is Jean-Michel Thierry, Les arts arméniens, Éditions Mazenod, Paris, 1987, ISBN 2-85088-017-5, bu 177.

[ref4-4] 1 2 (en) Nicholas Holding, Armenia and Nagorno-Karabagh, Bradt Travel Guides, 2006, ISBN 978-1841621630, bu 183.

[5] (de) Jasmine Dum-Tragut, Armenien: 3000 Jahre Kultur zwischen West und Ost, Trescher Verlag, 2008, ISBN 978-3-89794-126-7, bu 356.

[6] (fr) Patrick Donabédian is Jean-Michel Thierry, Les arts arméniens, bu 179.

[7] (fr) Patrick Donabédian is Jean-Michel Thierry, Les arts arméniens, bu 178.

[8] (fr) Patrick Donabédian is Jean-Michel Thierry, Les arts arméniens, bu 310.

[1]

[2]

[3]

[4]

[5]

[6]

[7]

[8]