Ugali (estuxa)

Teliz mal Wikipedia.
Sauter à la navigation Sauter à la recherche
Ugali estuxa is kendakirafa kunta

Ugali estuxa tir prostewafa bliga ke Ronefa Afrika ( tulon Kenya is Tanzania is Mozambika ).

Benelon tir kum regelta burmeyena kan lava az tufixuayana. Varoneon, regelta loviele tir kum irka ok plebota. Konaka regeltinda zo rotaotced, leviele dejey dum trapamakurfa zo loplekud. Ugali estuxa wetce batakafi kum irkafa regelta vox beretrafi kum plebotafa regelta zo yoltar. Sinkasa voda ke bat tor bevular axamafa.

Ugali trogarn tir swaxiliavaf.

Estuxa[betara | va krent betá]

Ugali estuxa tir mereyxa nume manide zo zanolur, gubeon do rostela dum kendakirafa kunta lantode burmotana do atela is kabaya bro zadaya ik irka. Rostela is mereyxa va tadlera va milbavakirafa estuxa noved. Irkaregelta tir metcazafa kiren irk koe batyona bwafa gola sokatrickir. Numen bata bliga tir omavaca mu konak celemoy irubasik ke batyona gola.

Notraca[betara | va krent betá]