Theodore Dreiser

Teliz mal Wikipedia.
Aller à la navigation Aller à la recherche
Theodore Dreiser
1871-1945
Englavaf amerikaf suterotik

Theodore Herman Albert Dreiser ( 27/08/1871 - 28/12/1945 ) tir zolonaf amerikaf berpotik ke tuwavevaf lizor.

Blirizva[betara | va krent betá]

Theodore Dreiser ba 27/08/1871 koe Terre Haute koe Indiana galdolk ke Tanarasokeem koblir, i santoleafe nazbeikye ke sanbara ke germanaf kolamasik.

Radimi tiskirama koe Indiana kotla, mu Chicago Globe fela toz suter, aze mu St. Louis Globe-Democrat fela.

Sister Carrie inaf taneaf berpot ( 1900 ) va izva ke ayikya yatesa il tawadayafa blira ko Chicago widava pwader ; koe Chicago va mefakafa moblira bokar. Bata neva va abicafa kiewatca gruper. Azen Dreiser ta piskura va ayikyafa virda kobaver. Bak 1911 va toleaf berpot ( Jennie Gerhardt ) sanegar. Dum lo diref suterot, ban va seltaf memiltaceem suleyer. Bak 1918 va larma dem lerdoy berpotam ( Free and Other Stories ) sanegar.

Amerikafa folvaAn American Tragedy ) bak 1925 tir inafa taneafa kazafa kiewatca. Gu elpat bak 1931 az 1951 zo zaler. Ar berpot azon tid. The Stoic berpot bak 1947 radimi awalkera ke Dreiser zo sanegar. Turestara ke Dreiser va direfa suterotafa oxila tiyir zolonafa. Ba awalkera, Dreiser wetce feliik is teza gan gedrapaf suterotik dum John Dos Passos is Ernest Hemingway is Francis Scott Fitzgerald zo kiavayar.

Dreiser va konak tawuk kev seltaf memalyaceem vilteyer. Va vrayara va Frank Little grosibik is lanzara va Sacco is Vanzetti is dere tela va Tom Mooney is divmimara va Emma Goldman ikz- tulon rankeyer. Ton viltes seltevik va konak gaderopaf vayarundeks suteyer. Bak 1927 koe TSSS dere koyayar. Va diroteva is amerikafa sayakeva dere rankeyer nume gan winugafa rictaga zo tuplabayar.

Vuestexa[betara | va krent betá]

  • (en) Cassuto, Leonard is Clare Virginia Eby, eds. The Cambridge Companion to Theodore Dreiser, Cambridge University Press, 2004.
  • (en) Loving, Jerome. The Last Titan: A Life of Theodore Dreiser, Berkeley University of California Press, 2005.

Theodore Dreiser

Theodore Dreiser

 Blira 1871-1945
 Ava Englava
 Suterind Berpot
  Suterot 
  • Sister Carrie (1900)
  • Jennie Gerhardt (1911)
  • The Financier (1912)
  • The Titan (1914)
  • The Genius (1915)
  • Free and Other Stories (1918)
  • An American Tragedy (1925)
  • Chains: Lesser Novels and Stories (1927)
  • The Bulwark (1946)
  • The Stoic (1947)
Bookshelf icon (red and blue).svg  Tuveli icde Suteroteem  Bookshelf icon (red and blue).svg