Tamavafa gadakiewega koe Kolombia

Bat teliz va kot debak bendeyen dene Tamavafa Gadakiewega ke UNESCO koe Kolombia otular.

Bak 2018, toloy debak ke Kolombia tid ke winugafa vexala ke Tamavafa Gadakiewega : 6 arayaf is 2 tuwavaf is 1 aotcaf.

Winugafa vexala

Bat debak bevular iyelaf

Cartagena de Indias	Welmot : 1.92 km²
Arayaf debak bendeyen bak 1984	Ludeem : (iv) (vi)	UNESCO otuk : 285
Debala : Bolívar winka	Maneka : 10° 25' 25" L-, 75° 31' 31" T-
Tigis bravon ice ceda ke Kariba bira, bat molt va lovaraf trumindeem ke Geefa Amerika digir. Segaf bolk va widava gu baroya solwifa revava solzarter : San Pedro dem weval is jontika berma ton Andaluz martig ; is San Diego lize dolekik is glastamik irubad ; is Gethsemani tisi « sanefa revava ». ^[1]

Santa Cruz de Mompox	Welmot : 0.54 km²
Arayaf debak bendeyen bak 1995	Ludeem : (iv) (v)	UNESCO otuk : 742
Debala : Bolívar winka	Maneka : 9° 14' 26" L-, 74° 25' 23" T-
Zabduyun bak 1540 kene Magdalena bost, Mompox va espanafa felira valente Geefa Amerika yordapayar. Mali XVI^-eafa decemda kali XIX^-eafa, widava vakene bost voneweyer, ton taneafa nuda zanudasa va kevba. Izvaxo va tama is varuca ke widavaf patectoy nendoyeyer. Loa kolna va xantafi fli reugale vided nume va cugunaykafa ewava ke tiyisa espanafa boniarugalafa widava batkane firvid. ^[2]

Arayaf fadaf patectoy ke Kolombia	Welmot : 1141 km²
Arayaf debak bendeyen bak 2011	Ludeem : (v) (vi)	UNESCO otuk : 1121
Debala : Caldas winka, Risaralda winka, Quindío winka, Valle del Cauca winka	Maneka : 5° 28' 19" L-, 75° 40' 55" T-
Tir burkafa tula ke tanaf arayaf patectoy warzesaf is jijasaf volanyas va lana prostewa vanpiyisa lecapa koe Kolombia voxis aryona fadafa gola koe tamava. Kiewega vas tevoy midus patectoy is san-anyustoyo widavaxo tite briaxo ke taltefa jaka isu istefa ke Andes rodega vatalte patecta ruldar. Va decemdafa prostewa ke fadafa midura moe wasarnayana tayama ke ontinafa aala, is va zalerinda va vakorkirafa meftavfa anameda skuyuna gan tawadayik tcazedar. Widavaf gabot nelkon tigis moe azekexa tice bria vamoe fadxo tid adalaf gu vegeduropa ke Antioquia boniara turestayana gan espanaf martig. Vegedus ugot tiyid aze koe yona vema wan tiyid kum lensada is tronkayana botada ta tazukara va rebava isen tadle ke kepaita tir kum kuritcafa mikiya. ^[3]