Santa Cruz de Mompox

Teliz mal Wikipedia.
Aller à la navigation Aller à la recherche

Santa Cruz de Mompox ( okon Mompox ok Mompos ) tir dota is widava valente Kolombia, vagetalte Bolívar winka, i widot ke Depresión Momposina utca.

Santa Cruz de Mompox arte mon 248 km- gee Cartagena de Indias winkaf widot tigir, kentalte Magdalena bost koe Mompox kuksafa ewala.

Izvaxo ke widava bak 1995 wetce debak ke Tamavafa Gadakiewega ke UNESCO zo bendeyer.

Izva[betara | va krent betá]

Santa Cruz de Mompox bak 1537 winugon zo zabduyur.

Sanelia[betara | va krent betá]

Varafa sanelia ke Santa Cruz de Mompox tir vas 44 124 irubasik otulayan bak 2015, don 25 785 koe widavafa widega is arak koe konako monaxo.

Towara ke sanelia ke Santa Cruz de Mompox dota (2005-2019)

Xantaza : DANE [1]

Nelkafo monaxo tid :

  • Ancón
  • La Rinconada
  • Santa Teresita
  • San Bernardo
  • Los Guaimaros
  • Guataca
  • Pueblo Nuevo
  • Ladrillos
  • Loma de Simón
  • La Colonia
  • El Triunfo
  • La Esperanza
  • Camorra
  • Los Piñones
  • La Lobata
  • Caldera
  • Candelaria
  • Las Boquillas
  • Guaimaral
  • San Nicolás
  • El Paraíso
  • San Ignacio
  • La Jagua
  • Santa Cruz
  • Santa Rosa
  • La Travesía
  • Villanueva
  • El Rosario
  • Santa Elena
  • Bomba
  • Carmen del Rosario
  • San Luis

Ewava[betara | va krent betá]

Izvaxo ke Santa Cruz de Mompox[betara | va krent betá]

Vixaksam[betara | va krent betá]

Santa Cruz de Mompox tigis vanmiae bwaf wedaf siday valente Bolívar Winka kene Magdalena dalafa voa ke patecta moni 1540 zo zabduyur. Mompox tiyir zolonapaf gu kazafa is lapirafa vindara moo bost wal Cartagena de Indias is istefo tawavo. Kle widava va espanafa boniara valente Geefa Amerika yordapayar. Inafa izva tir pakack ke kofisa abduxoa is boniasa kofelira ke espanafa olgalicura is vonera va golera is kaza dizvena mali XVII-eafa decemda kali toza ke XIX-eafa. Widava vakene bost voneweyer isen vristafa dalafa vawila va salt is domega kenelaniyir. Yona kevba ta nendara va widava bal laumay zo vegeduyud. Voldum loa widava zabduyuna gan espanik lize tanafa istefa viga tigir, Mompox vas baroya ematckorafa viga dem tanoya uja kene bost ruldar, i vas viga vadjesa vas baroya savsafa amerindiafa wida. Loa kolna ke izvaxo vas 0.54 km² tid ton katcalaf videwes sok ise wan tid dem xantafi fli, batinde firvisa va cugunaykafa ewava ke tiyisa espanafa boniarugalafa widava tigisa kene lan bost.

Pilkoma ke izvaxo ke Santa Cruz de Mompox wetce boniaraf bostmolt va tanafa is manafa adala ke intafa cugexafa ik gubefa vegeduropa tentur. Mali XVII-eafa decemda, mona dem doltama moe sidot keve Albarada nuda zo vegeduyud. Bata doltamona tid ton enk dem baroya ik sanoya tanta. Va pofa kira ke widavaf patectoy tadled, isen sinafo vabduefo kolanixo va tanoya mila kepaita walzilid. Yasaxo vegeduyuno wali XVII-eafa decemda is toza ke XIX-eafa tigid aname istefa ok krilafa fenkunafa darka redusa va gluyaxa wal tanteem kare lidawicka is lizukafa orpa. Tel losavsaf ord ke dolekikafa ok fayikafa mona vas istefa ponda is jontikviele tanoya dilafa vadime kolna ruldar, i vas ponda lospasa va zaniga. Loa mona va zolonafa vegeduropafa rulda wan vided : i va tuveli is yunkeyeno koexo is soza is lupaxa. Aptaf goaspil ke vonewera ke widava kene bost, va dugapa riafa koe gola ziliyid. Skapafa vantenura remi XIX-eafa decemda va warzaf lum gu bata adala nendoyeson kristeyer, numen widava tir to lokatcalafa tula ke mana widavinda kene bost.

Cugexa[betara | va krent betá]

Konaka lozolonafa cugexa ke izvaxo tid :

  • San Francisco uja
  • San de Dios ropexe, torigine gu ane loguazafe ropexe ke Amerika
  • Casa de los Apóstoles mona
  • Casa municipal ( savsafe dotaxe ), lize volruptesuca ke Kolombia zo etimayar
  • Palacio municipal, okon San Carlos reak ( dotaxe )
  • Inmaculada Concepción uja
  • Santa Bárbara uja
  • San Agustín uja

Vuestexa[betara | va krent betá]

  1. « Resultados y proyecciones (2005-2020) del censo 2005 ». DANE. rupeyena ba 31/03/2021 ; Censo 2018 - Población ajustada por cobertura.
Santa Cruz de Mompox
Escudo de Mompos.svg
Mompox Turismo.jpg
RISTULA
Patecta Kolombia   Flag of Colombia.svg
Gola Bolívar winka
Welmot 645.37 km²
SANELIOPA
Sanelia 44 124 ir- (2015)
TAWAVOPA
Maneka OOjs UI icon mapPin-progressive.svg 9° 14′ 22" L-, 74° 25′ 30" T-
Ontine 33 m-
LAPIRA, LIZIBA
Bira, kuksa River bus icon.png
Rid Maki-airport-15.svg
Kelot
Vawa Aiga groundtransportation.svg Maki-car-15.svg Sinnbild LKW.svg
Tigixo ke Santa Cruz de Mompox
Debala ke Santa Cruz de Mompox koe Bolívar winka
Izvaxo ke Santa Cruz de Mompox
World Heritage Logo global.svg Tamavafa gadakiewega ke UNESCO
Santa Bárbara uja ke Mompox
DEBALA
Tawavaf seg Geefa Amerika
Patecta Kolombia   Flag of Colombia.svg     
Winka Bolívar winka
Maneka OOjs UI icon mapPin-progressive.svg 9° 14' 26" L-, 74° 25' 23" T-
KIRA
Ord Arayaf
Ludeem (iv) (v)
Debakaf otuk 742
Bendesa ilana 1995 ( 19-eaf frugot )
Welmot 0.54 km²
Winugafa pimtara ke UNESCO [1]

Izvaxo ke Santa Cruz de Mompox. Zabduyun bak 1540 kene Magdalena bost, Mompox va espanafa felira valente Geefa Amerika yordapayar. Mali XVI-eafa decemda kali XIX-eafa, widava vakene bost voneweyer, ton taneafa nuda zanudasa va kevba. Izvaxo va tama is varuca ke widavaf patectoy nendoyeyer. Loa kolna va xantafi fli reugale vided nume va cugunaykafa ewava ke tiyisa espanafa boniarugalafa widava batkane firvid.

(en) Centro histórico de Santa Cruz de Mompox. Fundada en 1540, a orillas del rí­o Magdalena, Mompox desempeñó un importante papel en el establecimiento de la dominación española en el norte de Sudamérica. Desde el siglo XVI hasta el XIX, la ciudad fue creciendo paralelamente al rí­o y su calle principal serví­a de dique de contención del rí­o. En su centro histórico se ha preservado la armoní­a e integridad del paisaje urbano. La mayorí­a de los edificios siguen cumpliendo todaví­a su función primigenia, ofreciendo así­ una imagen excepcional de lo que fue una ciudad colonial española. ~ UNESCO website, licence CC-BY-SA IGO 3.0


Mapa de Bolívar (subregiones).svg
Navegador.png  Doteem ke Bolívar winka ke Kolombia  Flag of Bolívar (Colombia).svg Flag of Colombia.svg
Dique bolivarense ArjonaArroyohondoCalamarCartagena de IndiasClemenciaMahatesSan CristóbalSan EstanislaoSanta CatalinaSanta Rosa de LimaSoplavientoTurbacoTurbanáVillanueva
Loba Altos del RosarioBarranco de LobaEl PeñónNorosíRegidorRío ViejoSan Martín de Loba
 Depresión momposina  CicucoHatillo de LobaMargaritaSan FernandoSanta Cruz de MompoxTalaigua Nuevo
 Magdalena Medio  ArenalCantagalloMoralesSan PabloSanta Rosa del SurSimití
Mojana bolivarense AchíMaganguéMontecristoPinillosSan Jacinto del CaucaTiquisio
Montes de María CórdobaEl Carmen de BolívarEl GuamoMaría La BajaSan JacintoSan Juan NepomucenoZambrano
  1. UNESCO : Izvaxo ke Santa Cruz de Mompox