Solresol

Teliz mal Wikipedia.
Sauter à la navigation Sauter à la recherche
 Solresol
Solresol
Avuxo  
Avusikeem   ?  
Avafa pulara
- Vegedunava
 - Walvedeyafa golerava
  - Apriori ava
Redura
Askisik François Sudre
Redura 1827 az 1866 ( sanegaks )
Kira
Ord Vegedunava
Abava remsutera kan lexolk
Avafa beksa
Iso 639-1 [ meka ]
Iso 639-3 [ meka ]
Glottolog [ meka ]
Tigixo
Sol-resol.png
Crystal Clear app wp.png  Tuveli icde Aveem  Crystal Clear app wp.png
betara teza

Solresol tir ava ganduna is reduna gan François Sudre bak san-lerde decemda. Ina al zo redur rogoleteson pu kottan, dace pu xadik iku wiiskik, kan ravlemeem tadlen anton gu 7 asanka, i gan melzolk : do, re, mi, fa, sol, la, si. Okaf tazuk ke si asanka tir ti voxen si tazuk en tir loyavaf.

SolresolFarben ecritures.png

Bata ava tanuskon rozuyur vas lexafa kotikafa ava koe neva ke François Sudre sanegayana bak 1866 trabe balemda kaiki awalkera. Bak 1902, parmon al zo yoltar : « Solresol », djak bat ravlem koe Solresol ava sosugdalar vas « ava » djakae, nope icdef suteks ke Boleslas Gajewski.

Pokaykason va melzolkafa asanka, va ravlem geltrat. Cug ravlem zo rokalkotavad yoninde. Kot ravlem ke Solresol ava zo rosuter ont kan spaf melzolk ont kan tozuraf eltay ke melzolk ( vaxe sol melzolk kiren in zo suter : so, enide me dojet gu si melzolk, gistragan gu : s ). Enide ava di tir kotikafa, Sudre kuraniyir da moekote gotir lexafa, sedme inafa neva ke 1866-e.

Va lexafa sutera Solresol ava gogolar kiren neva ke Sudre va kot ravlem gotuyur kan lexafa suterinda. Anton ravlemak ta francavusik zo suteyer kan tela peroya asanka ke melzolk. Tel taneaf siatos ke bata ava ( moni 1820-e ) tiyir dem ant 4 melzolk kire tiyir anton ta semint, djak kan semint, wavdafa da va loon 4 melzolk skut djakae, ise me tiyir ta puda.

Descartes korobutik isu Leibnitz isu Rousseau isu Chabanon isu Nodier kaliyid da lexa sotir adre ke kotikafa ava. Dere Strabon korik kaliyir da kalira is dankara sotid milafa.

Ravlemeem[betara | va krent betá]

Ravlemeem ke tela ava tir vey pokaykara va 7 melzolk. Ravlem al zo pulad kare yona loma : ravlemam is yavaf vragiz is ikayolt tid dem 2 melzolk ( 7²=49 ravlem ) isen yavaf ravlem tid dem 3 ( lemon 7³=343 ). Ravlem dem 4 melzolk ( lemon 2401 ) zo walmuned gu watsa ( vaxe ravlem dem pokaykana milafa asanka ) :

  • do → altokaf ik lidaf ayik is inafa duga isu gruaduca isu sinka ;
  • re → plek ke mona ik ke exoma ik ke yasa ;
  • mi → tegi ke ayik is inafa afra ;
  • fa → tawaday is koyara is geja is totara ;
  • sol → yamba is opa ;
  • la → raba is kaza ;
  • si → widava is bowere is ristulopa.

Tula va ravlem[betara | va krent betá]

Opelapaf ravlem :

  • do → me, volgue, mei, meie, meien ;
  • re → is, ise, isen ;
  • mi → ok, oke, oken ;
  • fa → pu, van, vane ;
  • sol → ede ;
  • la → tel ;
  • si → en, gue, balte.

Ravlem dem yona asanka :

  • dore (dr) → jin ;
  • dola (dl) → kontan, kontel, artan, artel ;
  • domi (dm) → rin ;
  • dosi (ds) → ar ;
  • dosol (dso) → int, miv ;
  • redo (rd) → jinaf ;
  • resol (rso) → minaf, cinaf ;
  • remi (rm) → rinaf ;
  • rela (rl) → winaf ;
  • refa (rf) → inaf ;
  • resi (rs) → sinaf ;
  • mido (md) → ta, enide ;
  • misol (mso) → kiewú.

Pulviropa[betara | va krent betá]

Tana kira ke Solresol ava tir da volaf ravlem tid ton volafa vura va asanka. Tula : fala ( kiewotaf ) vox lafa ( volkiewotaf ), midorefa ( abdi ) vox faredomi ( radimi ).

Arapenira vey omaf ravlem ( jadion gray ) zo skur bloskason va melzolk : soloksaca ( 1-eaf ), skusik ( 2-eaf ), sorela ( 3-eaf ), muge ( 4-eaf ). Bloskara zo stragar kan stajok ok bloska. Tula :

  • resolmila → wanú ;
  • r'esolmila → wanura ;
  • res'olmila → wanusik ;
  • resolm'ila → gronaf ;
  • resolmil'a → gronon.

Ugal zo muxad vey loplekura va ravlem dem toloya milafa asanka :

  • dodo → darekee ;
  • rere → tiyise kerdela ;
  • mimi → direkee ;
  • fafa → sazdaxa ;
  • solsol → dirgaxa sodjey ;
  • lala → rekeefa trenda ;
  • sisi → kotaskinucafa trenda.

Tula va favera[betara | va krent betá]

Vuestexa[betara | va krent betá]


Number of Esperanto association members by country.svg Globe of letters.svg  Vegedunava  Globe of letters.svg

Apriori ava : KotavaSolresol ava
Aposteriori ava : EsperantoavaIdoavaInterlinguavaInterlingueavaLinguafrancanovavaNovialavaVolapukava