Nikolaus Federmann

Teliz mal Wikipedia.
Aller à la navigation Aller à la recherche
Circle-icons-clipboard.svg
P Parthenon 2.svg
Bat teliz tir remgudaks icde watsa vas izvopa.
Nume di zo gotukotrar. Rinafa givasa ik sutelasa pomara di zo karolapar.
Nikolaus Federmann
±1506-1542
Germanaf vestasik is olgalicusik

Nikolaus Federmann ( espanavon Nicolás Federmán ~ ±1506-1542 ) tiyir germanaf vestasik va Amerika zanon gu Espana pakeyes va olgalicura va refo tawavo ke Venezuela is Kolombia bak taneafu acku ke 16-eafa decemda.

Blirizva[betara | va krent betá]

Koyara ke Federmann (raltaduke)

Federmann koe Ulm koe refa Germana moni 1506 kobliyir. Bak 1529 gan Welser omeltafa yasa ke Augsburg kserayamba va vestara va Venezuela mu espanaf nafalik, zo stakseyer. Bak 1530 va taneafa vestara bokayar, do Ambrosius Ehringer va Orinoco kenolapiyir aze ko Augsburg dimlapiyir. Va nega vergumveltkirafa gu Indiafa Rupa sanegayar lize va kulaceem ke vestaxo luyur.

Dim Venezuela, gu bowesik zo koflir vieli gan Jorge de Spira bak 1534 di zo ikarundar. Gire fukorlanon gan Welser sistu, va warzafa brinuga ( 1535-1539 ) bokar edje va azeka ke Venezuela az ronefa Kolombia koolakir, kaaneyason va Eldorado vundaxo. Voxen meftafa azekexa liz artlakir, gan Gonzalo Jiménez de Quesada bak 1537 ixam al zo olgalicur. Bal inafa koyara, va ar espanaf milk dirgan gan Sebastián de Belalcázar kevlakir numen sin ta stujera va Chibcha cosxo va sint levlyumad.

Federmann is intafa ervolia ko Bogotá bak bareaksat ke 1539 artlakid. Reilanon pakeyeson va winugafa zabdura va widava, baroy olgalicusik gorad da va intyon milkik wetce boniasik di isked ise grogatason va walzvak ko Espana di dimlapid. Carlos I gazik va Quesada gu bowesik va Nueva Granada ikagazaxo koflir, is Belalcázar gu bowera va Popayán. Federmann gan Welser zo kojizar voxe koe flint ke Valladolid koe Espana bak toleaksat ke 1542 awalker.

Dere rupel[betara | va krent betá]

Espanafa olgalicura va Muisca

Nikolaus Federmann

Nikolaus Federmann

 Koblira  ±1506,
 UlmGermana )
 Awalkera  02/1542,
 Valladolid, Espana
 Vedeyot  Germana, zanon gu Espana  Flag of Cross of Burgundy.svg
 Eba  Olgalicusik
  Vestaxo  Amerika
P Parthenon 2.svg  Tuveli icde Izvopa  P Parthenon 2.svg