Maggie, lana nudikya (suterot)

Teliz mal Wikipedia.
Aller à la navigation Aller à la recherche
Maggie, lana nudikya

Atoera

Maggie, lana nudikya ( xantof englavaf vergumvelt : Maggie: A Girl of the Streets ) tir taneaf berpot ke Stephen Crane amerikaf suterotik. Bak 1893 ikayolton gu Johnston Smith xanton zo sanegar. Tir vey tuwavevaf lizor stan gan Émile Zola francaf suterotik, nume gu tel taneaf amerikaf suteks ke bat salt zo torigiyir. Crane va warzaf siatos ke bat berpot bak 1896 bilder, voxen sye siatos ke to 1893 gire zo piskur.

Koredik

  • Maggie Johnson : gradilikya ke nega. Taneon brostayana gan Pete, ko tresewera adre flaydur.
  • Tommie Johnson : toleikye ke Johnson yasa.
  • Jimmie Johnson : taneanazbalafe berikye ke Maggie is Tommie.
  • Pete : sardikye grelese va Maggie bal rwama ; va in porfeon brostar.
  • Johnson gadikye : izkafe is tizafe gadikye ke Jimmie is Maggie is Tommie.
  • Mary Johnson : izkafa is fikafa gadikya ke yasa.

Vildeks

Koe Bowery revava ke New York, jotaf Jimmie Johnson kan po kev tueaftasa jotikyefa yelipa laganamsteger. Bal nudarwama gan Pete nikye zo greler. Jimmie va Pete komonar lize Maggie sardikya is izkaf gadikeem ke yasa zo kakeved. Konaka tanda tiskid. Johnson gadikye is Tommie toleaf nazbeik mulufted. Jimmie vanpir oxaf is udutaf yik. Wetce vawastasik kobar isen Maggie koe klaimiaxe kobar. Pete al vanpir zazdazanisik. Va Maggie ko wenyaxe is tcilaxe givanstar. Ravaldar da va in gu inafa anameda djudivfir. Tire anton lasubrostar. Radimion Maggie Johnson vion kalaytcur ise tresenon flaydur.

Dere rupel

  • Stephen Crane : Englavaf suterotik isu ezlopik ( 1871-1900 )
  • Englavafo xanto, dene Readprint : [1]
Maggie, lana nudikya
Open book nae 02.svg
XANTO
Vergumvelt Maggie: A Girl of the Streets
Sutesik Stephen Crane
Ava Englava
Suterotinda Berpot
Evla 1893
betara teza
Bookshelf icon (red and blue).svg  Tuveli icde Suteroteem  Bookshelf icon (red and blue).svg