Louise Labé

Teliz mal Wikipedia.
Sauter à la navigation Sauter à la recherche
Louise Labé
1524-1566
Francavaf ezlopik

Louise Labé, francavaf ezlopik ke Lyon serna aname Maurice Scève, tiyir tana nelkafa suterotikya ke 16-eafa decemda.

Kobliyise koe Lyon, tiyir nazbeik ke kulaf wazdeliasik, i ke Pierre Charly ( ok Charlin ) yoltkiraf gu Labé. Va italiakorafa gaaranya ( dem ravera va Italiava is Latinava is lexa ) kazawayar ise va ervoura tavur. Moni 1543, kurera va wazdeliasik va « Belle Cordière » ( Listafa Wazdelya ) ikayolt daskiyir.

Inafa volruptesa anda is nisuju va skedegara va Magny ezlopik ke Pléiade lospa vodayad da ina wetce foktikya zo kruptejeyer. Kevoke tiyir sposapafa ise gan jontik milsaref ezlopik zo karolapayar nume konak va jontik blok tarizayad ise va inafa listuca dankagayad.

Grabom ke Louise Labé, koton sanegayan bak 1555, va yona alporka isu sonnetto renablokak nelkon ruldar. Bata ezla, tazukon nustapafa, kapbure lo noelaf blokak yoke lujuca is mivokuca is puruca ke muxana pestaka is miledje trakopa va rena koswana gan Platon, solwikad.

Ayikyevaf ezlopik ewavon gu konakara suterotikya ke 16-eafa decemda, Louise Labé va volruptesuca ke trak is nuyuca va renafa pulvira is roka va gaara mu ayikya kretuyur. Va batyon tcilk tulon koe wakas undeks ( Débat de Folie et d'Amour - Atatcera va Oviskuca is Rena ) rojuyur.


Tana inafa ezla : Blí, awalké

Kalkotavayan suterot[betara | va krent betá]

  • Blí, awalkéJe vis, je meurs, sonnet ), kalkot- 2006 gan P. G., Wikikrenteem dotay, banliz
The Dinner Party ( Ayikyafa jorestura ), sposafa ayikyevafa yambaxa ke Judy Chicago (1979)    The Dinner Party
   Miwanikya (37-e deba)
 ( 3-e berk )
Louise Labé

Louise Labé

 Blira 1524-1566
 Ava Francava
 Suterind Ezla
  Suterot 

Ezlak

  • Euvres de Louïze Labé lionnoize (1565)
Bookshelf icon (red and blue).svg  Tuveli icde Suteroteem  Bookshelf icon (red and blue).svg