Kyaxta

Teliz mal Wikipedia.

Kyaxta ( rossiavon : Кяхта ; buryatavon : Хяагта ) tir widava ke Buryata Winka koe Rossia.

Tawavopa[betara | va krent betá]

Kyaxta widava keno Kyaxta kuksa vagee Sibiria tigir, jowon ice Mongola lente Altanbulag widavama ke Mongola. Kyaxta arte 183 km- getalte Ulan-Ude widot ke Buryata winka is arte 6195 km- rone Moskva tigir.

Inafa sanelia bak 2018 tiyir vas mon 20 000 irubasik, voxe mali tena ke TSSS miler.

Izva[betara | va krent betá]

Widava bak 1727 nope sugdara va Kyaxta bioga wal rossiafo gindaxo is telo Qing siniafo zo redur. Bioga va siniarossiafa jowa titickar ise va Kyaxta wetce divlapuso kazaxo ke mila jowa gotur. Voxe zolonuca is yorda ke Kyaxta vantenur vieli bak 1860 kotafa jowa ta kazara zo fenkur.

Re batugale, Kyaxta kevo vawa wale Ulan-Ude buryatafu kelu is Ulan-Bataar mongolafu kelu tigir ise wan tir zolonafo remdolekaxo wale Rossia is Mongola.

Kyaxta
RISTULA
Patecta Rossia  
Gola Buryata Winka
Welmot 28 km²
SANELIOPA
Sanelia 20 031 ir- (2018)
TAWAVOPA
Maneka  50° 21′ L-, 106° 27′ R-
Ontine 760 m-
LAPIRA, LIZIBA
Bira, kuksa
Rid
Kelot
Vawa
Zovdom va Kyaxta moni 1730

Teza:SibiriaWidavaTeza:BuryataWidava