Jose Maria de Heredia

Teliz mal Wikipedia.
Aller à la navigation Aller à la recherche
José-Maria de Heredia
1842-1905
Francavaf ezlopik

Jose Maria de Heredia koe La Fortuna poke Santiago de Cuba ba 22/11/1842 koblir. Nazbeik ke xantocye ke espanaf olgalicusik is francikya, koe griva va francavaf suteroteem is espanavafa araya koe Franca zo gaar. Koe « Ecole des Chartes » (1862-1865) va izvafa grupelapaca benelafa ta stekef grabom urlicker.

Mali 1860 va toza ke lizor ke Parnassos ezlopik paker ise Leconte de Lisle ko Parnasse Contemporain (1866) va in gesiar. Dere nik va Sully Prudhomme. Bat tir piskura va larma dem warzaf blok batinde yoltayan setikeron gu mefta koe Ellasa bevulasa vundafa jonvielera ke yone Muse. Antaf ezlaf grabom, Trophées (1893) va xultafa emudera kazawar nume bak 1894 den Francaf Cultim zo libur. Vanpiyis susik va Arsenal nevaxe (1901), poke Houdan ba 03/10/1905 awalker.

Jose Maria de Heredia

Jose Maria de Heredia

 Blira 1842-1905
 Ava Francava
 Suterind Ezlopa
  Suterot 
  • Véridique histoire de la conquête de la Nouvelle-Espagne (1878) - kalfrancavaks va Díaz del Castillo
  • Les Trophées (1893) - ezlak
  • La Nonne Alférez (1894)
  • Poésies complètes (1924) - ezlak
Bookshelf icon (red and blue).svg  Tuveli icde Suteroteem  Bookshelf icon (red and blue).svg