Francisco de Orellana

Francisco de Orellana

±1500-1545

Espanaf vestasik is olgalicusik

Francisco de Orellana ( ±1500-1545 ) ~ Espanaf vestasik va Amerika. Francisco de Orellana tiyir espanaf kotgrupaf vestasik isu olgalicusik bak taneafu acku ke 16-eafa decemda. Mal Quito koe Ekuadora, va Amazonas bost kosmar aze kan totama lizukon vegeduyuna kal art vestar. Blirizva Orellana mali jotugal bak 1527 koe Nicaragua zanir aze mali 1535 va olgalicura va Perua do Francisco Pizarro paker. Va Santiago de Guayaquil zabdur ise vanpir bowesik. Koyara ke Orellana (1541-1542) Bak toleaksat ke 1541 va Quito mallakir aze ta brinuga idjon ic tadava is kaaneyara va dinkero va Gonzalo Pizarro kakever. Dro ke dinkero banugale koe Europa tiyir tcazapafo gu aldo loon dam moava. Sin va Andes rodega remlakid aze va Napo kuksa artlakid, drasuyuson va 140 espanik ke 220 is 3000 indiik ke 4000 ke brinuga. Sin va ageltucafo dinkero me trasid nume ba 22/02/1542 va sint solparsad : Pizarro ko Quito dimlakir edje Orellana dakir. Va San Pedro taneaf totuk ta remburera va akolesik is bakanik volmiv vegedur aze va Victoria toleafa tota kane do 57 ayik va kuksa toz titlapir. Arpumason totason, Orellana mal Napo kuksa va Trinidad kuksa az Amazonas bost artlapir, aze arte exulera vas 4800 km- va artexo kosmar. Int is moblisik koe Marajó ewala dimempatason vukid aze va Nueva Cadiz de Cubagua ba 11/09/1542 artlapid. Dere rupel ► Vestasik va Amerika

Francisco de Orellana  Koblira  ±1500,  Trujillo, Espana  Awalkera  1545,  Amazonas gola, refa Brasila  Vedeyot  Espana    Eba  Olgalicusik   Vestaxo  Amerika   Tuveli icde Izvopa