Costarika

Costarika tir patectama ke Istefa Amerika.

Va toloy welfalentor kene Pacifika Welfa is Atlantika, wale Nicaragua is Panama dir. Kelu tir San José idjon ice patecta koe istef krant ( Meseta Central ).


	Ristusa grustara
Winkeem Costarika tir dem peroya winka. Loon rupé → Risturafa watsa : Gaderopafa vertuma ke Costarika • Winkeem ke Costarika


	Tawavopa
Tculkafa jaka wale toloya krimtafa azeka Divlizeso moe abrotce vas 620 km- is mante vas 300 km- wale Kariba Bira is Pacifika Welfa, tawavo ke Costarika va laefa birtuca kapbure inaf nilackaf lumeem nedir. Torestava ke patecta tir tadle dem konak driz ke isteamerikafa rodega, wale azeka moe toloya welfafa datca is valenteon omasiday tis otsa ke nicaraguafa azeka. Loon rupé → Tawavopafa watsa : Tculk ke Costarika • Voa ke Costarika • Vedeyaf gerd ke Costarika • Ewala ke Costarika


	Izva
Abdieuropafe sare Moe tawavo ke refa Costarika, tawamidura is tudeblitara moni 800^-e ilana tudelaweyed. Selton bata ra va laumara ke tuamidara va widikeem webeyer numen ardilaf bolk dem sersokilik adre vanpiyir preksa. Bat warzaf grustas ord voneweyer isen sayakaf is alkaf oluikeem vamoe kobasikeem is levetirikeem pendeweyer. Bat bolk wali 800 is 1550 fliyir. Remi bane sare, tawamidusa tegira va taneafa runda kereleyer voxen tcabanera is onara is yestara dere zo uyud. Yambuduca tugedraweyer isen lano saneliaxo vanpiyid widava. Yon lavanarilt isu vraday isu za isu mona isu dopewa zo vegeduyud. Saneliopafa laumara ke bane sare va fikafa artazukara va patectoy soe me nekiyir. Patectoy wan tir kum ekamafa aala is kuksa is axigaf ruxeem is kusafa jaka is loras is aultoves is gedraf fled. Loon rupé → Izvafa watsa : Izva ke Costarika • Izvik • Nicoya gazaxo • José Figueres Ferrer •


	Sanelia
Mali "Homo habilis" kali lonoeltaf frofas grelt Re, Costarikaxo tir telo xo videyeso va lokulaf is losavsaf conyuteem ke taneaf ayikkoraf tisik is ayikdunol. Bak 1959, moe Olduvai ecorxo debak kosmara va xim ke Zinjanthropus ( 1 750 000^–daf autralopithecus ) gan Leakey, noveyer da afrikaf abdiugal is ayizva warzon zo koafiyid. Kuritcafa is warnafa bada ke serixo va tisuca ke losavsaf ayikdunol ( Homo habilis ) azon ( 1963 ) ve razduyud. Tere, koe lotitefa bada, va 600 000-daf xim ke Homo erectus divsidayad. Strabrega ke ilbodeyena xeka isu dri trasiyina koe lonoeltafa bada va elubkuca ke ayexonenuca koe bata gola ke Roneafrika vrutad. Loon rupé → Saneliafa watsa : Saneliopa va Costarika • Mikreem ke Costarika • Widava ke Costarika


	Araya is yamba
Wafugal Chorotega sane va istefa Amerika bak IX^-eafa decemda RGJ kali mon 1000-1100 toz artlaniyir, ton lamasa runtapa male krant ke México, kereleson va konaka gola ke pacifikafo krimtaxo koe refa Salvadora isu Nicaragua isu Costarika. Bat saneik tiyid avon gu Oto-Manga aveem vuwaf gu Nahuatl/Pipil/Nicarao mikra. Sinafa artlanira ko Nicoya dega icle tir evlon gu 800-1200 RGJ, sedme kosmara va trocadayxa ke Tohil Plomiza martig grupen koe ontinafa azekexa ke Guatemala, koe rawopafa gola yoltkirafa gu Gran Nicoya ( pacifikafo krimtaxo ke Nicaragua isu Costarika ), batcoba va uzerara wal yone sane ke Guatemala is Costarika bazer. Silukon lamara is artlanira ke Chorotega sane va Nicoya dega va malrundara va sane dum Coribicí sane dare kopolese va milo tawavo nekiyid. Loon rupé → Arayafa is yambafa watsa : Rwalt is vundopa • Aveem • Suteroteem • Yamba • Nicoya gazaxo • Alkeem • Utieem • Burmotaropa Tamavafa gadakiewega ke UNESCO