Cirdataxo (trutca ke Levitan)

Teliz mal Wikipedia.
Cirdataxo ~ Берёзовая роща (RU)


Cirdataxo ( rossiavon Берёзовая роща ) tir trutca lumkirafa gu 28.5 × 50 cm-, i puntalingeks keve stama skuyun gan Isaak Levitan rossiaf lingesik bak 1885-1889. Koe Tretyakov tcila koe MoskvaRossia ) re tigir ( 2018 ).

Bata trutca tir patectoy, ke tele gelukafe detce ke Levitan ( loa 200 grupena trutca icde bata watsa ).

Izva is pimtara[betara | va krent betá]

Mali toza ke kobavera ke lingesik kali tenukera, balemda al tiskir. Levitan va bata trutca envayar aze toz kobaveyer viele koe deor ke Moskva tigiyir. Va idulugal ke 1885 koe Babkino tiskir, i koe pilkot ke Kiselyov tigis kene domega ke Iskra kuksa. Levitan va trutca bak 1889 tenuker edje koe Plyos tigir, i koe widavama kene Volga bost lize wali 1888 is 1890 fereon jonvieleyer ise va jontika trutca skuyur.

« Levitan va kon patectoy kev mana trutcama remi yona tanda grukobaver, dile nonuson az gire lingeson, nendoyeson va mivokuca is brostasa iewuca ke detce, pune batcoba va jin al skebur nume va kotunuca ke bata grabomafa duzxa ke Levitan batvieli dun mafelar. Taneon winon, trutca kan pilkovafa pona va min me memper, voxen ede lopokon lotrumon disuket, pune kozwit da pona tire tir megubefa, cugunaykafa. Kotcoba nutir warzeks ke xuyava voxe koe bata trutca en zo undepeyer isen birtuca zo grustanyar... »

— Boris Yoganson lingesik, icde bata trutca.


Cirdataxomo narayano gan Levitan watson gu trutca cane widavama poke Pustinka awalkikxo tigiyir. In va trutca bokayana koe Moskva al vanstayar aze koe Plyos tenukeyer.

Trutca kan kliera ke izga is afi kev ulim ke cirdata koe aalxomo zo vegedur. In va mudorap dem nideks ke kuse is lana muxasa nosa cugeke ayewasisa va afi malsaver. Kaatoeson va tcaza ke awalt kev aal, is yarte ke izga is afi isu goatera, lingesik va pakava ke ckaneeem ke liteva tire saver.

Dere rupec[betara | va krent betá]

Trutceem ke Levitan

Stragela[betara | va krent betá]

  • (ru)  К. Паустовский, Исаак Левитан, Повесть о художнике, 1937
  • (ru)  И. Гинзбург, И. Левитан, 1937
  • (ru)  И. Евдокимов, Левитан, 1959
  • (ru)  С. Глаголь, И. Грабарь, Монография о Левитане, СПб, 1913
  • (ru)  С. А. Пророкова, Левитан, 1960
  • (ru)  Т. Л. Щепкина-Куперник, Старшие, Ж. Вестник Европы, 1911
  • (ru)  В. А. Прытков, Левитан, 1959
  • (ru)  А. А. Фёдоров-Давыдов, И. И. Левитан. Жизнь и творчество, 1960
  • (ru)  Н. П. Смирнов, Золотой плёс. Повесть о Левитане, Ж. Охотничьи просторы, 1959
  • (ru)  А. Мокроусов, Левитан: Борьба за наследство Ж. Лехаим. 2010
  • (fr)  J. C. Marcadé, L'Avant-garde russe, Flammarion, Paris, 1995, ISBN 2-08-120786-9
  • (en)  A. King, Isaak Levitan. Lyrical Landscape, London, Philipp Wilson Publishers Ltd., 2006
  • (en)  L. Mehulic, Isaac Ilych Levitan and Evening Bells from The Mimara Museum, Zagreb, Muzej Mimara, 2009

Cirdataxo
Берёзовая роща (RU)

Cirdataxo
 Yambik Isaak Levitan
 Evla 1885-1889
 Ord Patectoy
 Lingerinda Puntalingeks keve stama
 Lum 28.5 × 50 cm-
 Tigixo Tretyakov tcila, MoskvaRossia )


Trutceem ke Levitan

Awaltaf afizcek, imwugalSielcekWida, fentugalSielcek moi muvacekMuvugalaf afizcek. SokolnikiAbdi zivotccekSukarn, gavef nomMuvugal, vawa koe widaVawa koe aalxo (1)Nudama, OstankinoKoe gerd (1)PersaMuvugal, tcabanesikNudamaOstankinoWida kaike kuksaImbozaVawa koe aalxo (2)Sielcek, keldaImwugal koe aalaSielcek vamo wedaSielcek mo tayaWida kene kuksaPatectoyTaneafa ruxa, alubeaksatAala, awaltaf afizcekPersa is cirdataZa, Savvinskaya SlobodaWaniba, akraf afizcekSavvinskaya Sloboda poke Zvenigorod (1)Savvinskaya Sloboda poke Zvenigorod (2)Fentugalon koe aalaKentacekBlatvartesikAalafa kuksa, muvugal moe IstraAy-PetriKoe meftava koe KrimaMuvugalafa aala (1)Saklya koe AlupkaTatarafo awalkikxo, KrimaBaroya pailtegaKene bira, KrimaMuvugalaf gazdacek, selOntinafa domega, Volga bostTourka konina gan ruxeemPatectoy ke KrimaDivdomaraSielcek moe Volga (1)Sielcek moe Volga (2)Moe Volga bostMuvugal, lavarn, vakolDelt va Sofya Petrovna KuvcinnikovaAnkittota, Volga bostSielcek, moavukaf PlyosVolga bostMoavukaf muvugal, SlobodkaKoawaltano wicoAalafa minsa is pulpaTciugoMuvugal (1)Moi muvacek, PlyosTawadayaf wiksEdgarda is tcumaCirdataxoMiafizCirdata, Opucka aalxoWico koe werdxoTeyAala bak fentugalTota moe domegaBlatakPolustanokMatela koe noldaAalaKrimta ke Mediterraneo biraPoke Bordighera valente ItaliaRujodiskaf afizcek moe VolgaVenezia, Riva degli SchiavoniImwugal koe ItaliaItaliaf patectoyMoe kelda van SionRujodaf afizcek (1)Amlitafe eceyxeKene bira, ItaliaMuvugal (2)Delt va PanafidinSielafa biotaraVladimirkaToza ke imwugal (1)FerastMoe uzdaRujodaf keltUzda (1)Koe aala muvugalonTcikoraKeve Como uzda, etolVamoe kotabafa tilderaMuvugal (3)Muvugal, vomonaDelt va KuvcinnikovaSielafa izgaKoe gerd (2)Imwugal, ironokaf noldacekMoavukaf muvugal (1)Gravida vagee FrancaBareaksatAbinkoComo uzdaUzda, lukoptaf afizcekRucka koe aalaRucka keve lavaFedafa sukara, Volga bostLukoptaf afizcekLukoptaf afizcek moe uzdaBatakafa rujaMuvugalaf patectoy dem uja (1)Muvugalaf patectoy dem uja (2)RujaImwugal, batakafa rujaBinka koe aala, ruckaMoe domegaKrant, muvugalMoavukaf muvugal (2)LenteonImwesa pruva (1)Idulugalaf mielcek, kuksaBira grocelon icde suomiafa krimtaAlp rodega (1)Alp rodega (2)Alp rodega, noldaOlgaf afizfcekKoe Alp rodega, imwugalonKlita tir lavapaTaelaftaf mielcek, widaStabrega ke darekeugal, nom, SuomiaBocafa awaltolya, wanibaTayaImwesa pruva (2)Taelaftaf mielcek, vawapaVawa (1)Werda keve aalaUzda, imwugalIntagabexoToza ke imwugal (2)Kuksaruxa (Prudik)Awaltaf afizcek, widaAwaltaf afizcek, wicoNom, lamoneAmlitTena ke muvugalSukaf afizcekUzda, siel (1)Muvugal, kuksaKelotBocafa olya, uzdaMuvugalaf aftacekZivotc, muvaVawa (2)Renga (1)Renga (2)Muvugalafa aala (2)Muvugal, BerezkiYona tayaBocafa awaltolyaToza ke imwugal (3)KuksamaNomcekNom, taelNomcek, nakkiSel, muvugalTyagaTaelaftaf mielcekKolanira va widaUzda koe aalxoMivdeltVolga, totaWida, XotkovoVawa (3)VawamaAfizcek ke teveaksatAalafa uzdaTaelaf patectoyKoe trapova, nomcekRujod abdi xeftocekUzda, siel (2)Muvugal (4)Rujodaf afizcek (2)Lakis impadimakKera koe widaToza ke imwugal (4)Nomaf afizcek, JivnyeSel mo lavaUzda (2)Imwugal koe KrimaIdulugalaf sielcekTucuara va nak

  Tuveli icde Lingeropa