Chato (tculk)

Teliz mal Wikipedia.
Aller à la navigation Aller à la recherche
Chato tculk


Chato tir merunkaf tculk koe Guanacaste jaka ke Costarika, tigis koe lentefa Guanacaste winka, poke Arenal beraf tculk.

Sidopa[betara | va krent betá]

Chato tculk tir ki ke jelaf bolk do Arenal. Titak vas divroidayana buga dem xakola vas mon 550 m- kerelena gu vizuafa uzdama dambaf vas 19 m- ruldar. Welmotack ke tculk tir vas mon 10 km².

Icde raporopa, inafa tadlexa tir dem andesite burgi. Tano yazidaxo ke tculk dilizeyeso weti 38000 tanda va tazukara va narda ke Fortuna kuksa ontinafa gu 60 m- kevu ronefa eliwa ke tculk nazbayar. Dizvera va disukexa ke bata narda tir tana koyutarulafa sumpara ke gola.

Chato tculk va toloy tculksfelt varoneon tigis is yoltkiraf gu Chatito is Espina dikir.

Tculkafa tegira[betara | va krent betá]

Meka tculkafa tegira remi boniarugal zo verteyer. Tela bocafa tegira tir weti 3500 ik 3700 tanda voxen tela losavsafa weti mon 38000 tanda.

Tuwavafa kulaca[betara | va krent betá]

Gola dem Arenal tculk isu Chato tir tano zolonafo koyutarulaxo ke patecta. Valey buguzda, moe Chato isu aname, ketafa aala is baspexo is jontika ujiwa is binka is narda ke Fortuna kuksa tulon tid. Chato tculk koe Arenal tculk vedeyaf gerd zo nendar.

Ewavak[betara | va krent betá]

Dere rupec[betara | va krent betá]

Stragela[betara | va krent betá]

Chato
Tculk
Volcán Chato.JPG
TAWAVOPA
Meftava Tilarán jaka
Ontine 1140 m-
Welma 10 km²
Maneka 10°26'31" L-, 84°41'17" R-
SIDOPA
Klaa
Ord lukoptaf feytculk
Runkuca merunkaf divlankes tculk
Bocafa divlankera 3500-3700 AR
GVP beksa 345033
TAWAVO
Patecta Costarika  Flag of Costa Rica.svg  
Gola Alajuela winka
Tigixo ke Chato tculk
Tculkeem ke Costarika

ArenalBarvaCacho NegroChatoCongoIrazúMiravallesOrosíPlatanarPoásPorvenirRincón de la ViejaTenorioTurrialbaZurquí