Blatvartesik
| Kotavexa ( xant- ) | ||
| Watsa | Vartera, Exava | |
| Evla | 2023 | |
Blatvartesik tir kotavexa sanegayana bak 2023.
Jonkafa kobara
Blatvartesik va blat varter. Va galera trumar, rojuson va sin gu wivgus sulem is katcafa akola. Va warzeks ke blatak warolar aze doler : i va kolt is sebeka is gazafa vayna... Remi tanda poke blataktum dun zavzagir.
Koe blatak
Baroya blatinda koe blatak krulded ise tigid.
Nendase vage
Ta viunsura va blatak, blatvartesik va aptafa dirja tiskir. Gu puilera nendar. Dirja tir batakafa kiren orikafa uka va blat sonyater. Viele blatvartesik va blat fenkur, pune va vikizesiki zanudar. Vikiz va blat funer nume jupar da in me di dilfur.
Warolara va kolt
Moi vikizara, blatvartesik va xuteem dimnarir aze va sebeka tazukasa va ladiva deswar. Xuta ko divoksesiko zo rundad. Bat foalk va kolt div ladiva traspusir. Radimi espara va kolt, blatopik kofurutsar.
Dodelablatya
Dodelablatva imwada warolad. Sinafa yorda sotir sinkara va toka is gazablatya.
Trogarn
- Gazablatya : Ant gazablatya sokatoar : va vieleon loon 2000 ato.
- Blatye : Blatye va nazbalka anton sozanudar.
- Vikizasiki
- Xuta kum inta
- Ladiva kum sebeka
- Kolt
Lingeks va blatvartesik
- Blatvartesik ( 1885 ): trutca ke Isaak Levitan rossiaf lingesik.
Xantaza
- (avk) Kotavexa n° 11, dene Europalingua.eu ( xantaza )
