Bancatol (Daubentonia madagascariensis)

Bancatol

Daubentonia madagascariensis

blisa katca / sulem

giltafa pulara

Bliind

Dansok

Volveydansok

Pula

Volveypula

Tolvolveypula

Veem

Yasa

oxi

Daubentonia

É. Geoffroy, 1795

katca

Daubentonia madagascariensis

Gmelin, 1788


kira
Abrotce	40 cm-

Aldo	cugon 3 kg-
Ault	40 - 60 cm-
Sinka	toka is wikande is diuzanga is ilt

Tuveli icde Sulemopa

Bancatol (Daubentonia madagascariensis) tir tana moukolafa katca ke Daubentonia oxi vey Daubentoniidae yasa ke PRIMATES veem ( STREPSIRRHINI volveyveem, CHIROMYIFORMES tolvolveyveem ).

Gan Gmelin bak 1788 taneon zo pimtayar.

Pimtara[betara | va krent betá]

Bancatol sotir dunol dem blafotaf itapeem is oblakapeem oltavaf gu tel ke vesnol. Im tir abrotcaf is tibutaf is dem ebeltaf imolk isu batakaf.

Bancatol divintason va beza palsesa leve almuk va abrotcaf bareagelt zanudar. Va wageye sopuson va remak kan gijarotif sebadeem az warolason va graz kan bareagelt dere gimalestur.

Bancatol ape tir tel lomanaf is loklicaf Primates jidolnudol. Viel zo kosmayar, pune den sebada-dunolafa loma zo emayar, nope tazuk ke talgeem milaf gu tel ke lo sebadadunol. Tire va toloya jaktekskorafa sebada bene kot prijust anton sodir. Va myast somedir. Logevasa kira ke bat dunol tir dre ke nubeem isu nugeem, dem vwepaf is kotcakiraf gelt vawe taneaf lubek dem azekafa vitoda. Vaxe arekta, gelteem tir abrotcapaf is mazdaf. Bareaf gelt isu balemeaf tid abrotcaf riwe jontolon dam arak. Niskeem ke tel bareaf tir mazdapaf kir anton besanaf gu alma.

Toloy dalaf tor ke bata katca anton mielblisa tid ilt is beza soltiotena kaku almuk ke aal. Estutuson va ilt, bancatol va abica alma kan sebadeem toz estur ; malida fe al zo askir, pune abrotcaf bareaf gelt sopur ise va engada kou ilt divokser. Kotviele bancatol va bezafa toka aneyar, pune va bat geltany kak almuk ok ko solpo-nawes drim fargier ise koterek-tason va liziwera dace lasusuzdar. Yordara ke pezitca dere tir zolo-nafa ta mana aneyarinda. Viele wivga zo tcaluter, pune bancatol va nendas almuk iku inta kan sebadeem solimpar, azen geltany va erilt suxayan gan toka konir vieli va wivga di kalnir aze bam divimpar, i va toka jontikviele ton engada frinetena kevu gelt.

Kore kot gelt tir abrotcaf is mazdaf, tel istef gelt tir loon gijaf. Bancatol va bat abrotcaf xekagelt malsaver nume va bezafa toka kou sinyona lupaxa soltiolter ise va engada ke enga solimpar.

Toloy dalaf tor ke bancatol tid ilt is bezafa toka gelbesa kake almuk ke aal. Malestusa giltira ke bata katca tid amidapafa gu telyona ke ara bancolinda

Sebadeem ke bancatol va yordara ke bareaf gelt askid. Liota tir teca kabza milafa dam dure atrisa sebada ke sebadadunol. Nope pezolkam is mantafa oria, taka nutir anamkafa.

Bancatol tir tel jidoldunol lodivulaf gu tila ise va abica dofa kira kapbure jidol anton sodir.

Katcaxo ke bancatol lekeon tiyir lomantafo varone Magasikara isu valenttalte. In tir antaf is bocaf bewik ke lana yasa dratcepena num griawitisa kiren inafo irubaxo astirbon zo levvilar. Ostik in gan ewalik wan zo aytar kire gu larbudajas sulem zo torigir.

Kira[betara | va krent betá]

Veem : Primates
Yasa : Daubentoniidae
Lum : abrotce ke taka is alto vas 36 ik 44 cm- ; ault vas 50 ik 60 cm-
Aldo : 1.6 ik 2.8 kg-
Talgeem : 18 talga
Nazbarugal : megrupen
Ocagugal : megrupen
Occek : 1 oc
Ikralukruca : ape mali 3^-eafa tanda
Blirugal : mon 23 tanda

Vexala dem apteem[betara | va krent betá]

Sedme Mammal Species of the World (siatos ke 2005), bata katca tir aptiskafa.

Ewavak[betara | va krent betá]

Dere rupel[betara | va krent betá]

► Wafra dem bancoldunoleem

Pulasa vuestexa is xantaza[betara | va krent betá]

(en) vuest- : Mammal Species of the World (v- 3, 2005) : Daubentonia madagascariensis (Gmelin, 1788)
(en) vuest- : CITES : Daubentonia madagascariensis
(en) vuest- : UICN : katca Daubentonia madagascariensis (Gmelin, 1788)
(en, fr) vuest- : ITIS : Daubentonia madagascariensis (Gmelin, 1788)
(en) vuest- : Tree of Life Web Project : Daubentonia madagascariensis
(en) vuest- : Catalogue of Life : Daubentonia madagascariensis (Gmelin, 1788)
(en) vuest- : Paleobiology Database : Daubentonia madagascariensis (Gmelin, 1788)
(en) vuest- : Animal Diversity Web : Daubentonia madagascariensis
(en) vuest- : NCBI : Daubentonia madagascariensis

Ara vuestexa[betara | va krent betá]

Bancatol (Daubentonia madagascariensis) dene Wikispecies

Kotavafa vuestesa xantaza[betara | va krent betá]

Kotava winugaf moukolaf ravlemak (Kotava, Latinava, 2019)
Bancatol dene www.europalingua.eu

Yaseem is oxieem ke Jidoldunol (Primates)

Bancekol (Cheirogaleidae) ⇒ Bancekol (Allocebus) • Bancekol (Cheirogaleus) • Bancekol (Microcebus) • Bancekol (Mirza) • Bancekol (Phaner) | Bancudol (Lemuridae) ⇒ Bancudol (Eulemur) • Bancudol (Hapalemur) • Bancudol (Lemur) • Bancudol (Prolemur) • Bancudol (Varecia) | Bancimol (Lepilemuridae) ⇒ Bancimol (Lepilemur) | Bancol (Indriidae) ⇒ Bancol (Avahi) • Bancol (Indri) • Bancol (Propithecus) | Bancatol (Daubentoniidae) ⇒ Bancatol (Daubentonia) | Boonsyatol (Lorisidae) ⇒ Boonsyatol (Arctocebus) • Boonsyatol (Loris) • Boonsyatol (Nycticebus) • Boonsyatol (Perodicticus) • Boonsyatol (Pseudopotto) | Yaksyatol (Galagidae) ⇒ Yaksyatol (Euoticus) • Yaksyatol (Galago) • Yaksyatol (Otolemur) | Pincol (Tarsiidae) ⇒ Pincol (Tarsius) | Grabol (Cebidae) ⇒ Bejol (Callimico) • Bejol (Callithrix) • Bejol (Leontopithecus) • Bejol (Saguinus) • Grabol (Cebus) • Grabol (Sapajus) • Gojukol (Saimiri) | Grabudol (Aotidae) ⇒ Grabudol (Aotus) | Mazol (Pitheciidae) ⇒ Mazol (Callicebus) • Mazol (Cacajao) • Mazol (Chiropotes) • Mazol (Pithecia) | Mazedol (Atelidae) ⇒ Mazedol (Alouatta) • Mazedol (Ateles) • Mazedol (Brachyteles) • Mazedol (Lagothrix) • Mazedol (Oreonax) | Medjol (Cercopithecidae) ⇒ Ravacol (Allenopithecus) • Aurgukol (Cercocebus) • Medjitol (Cercopithecus) • Medjol (Chlorocebus) • Medjol (Erythrocebus) • Rozokidol (Lophocebus) • Lilkol (Macaca) • Sinkestol (Mandrillus) • Ravacol (Miopithecus) • Rozokol (Papio) • Aurgol (Theropithecus) • Dugdol (Colobus) • Tekudol (Nasalis) • Dugdol (Piliocolobus) • Mariol (Presbytis) • Dugdol (Procolobus) • Mariupol (Pygathrix) • Mariupol (Rhinopithecus) • Mariol (Semnopithecus) • Tekudol (Simias) • Mariol (Trachypithecus) | Tcardiol (Hylobatidae) ⇒ Tcardiol (Bunopithecus) • Tcardiol (Hylobates) • Tcardiol (Nomascus) • Tcardiol (Symphalangus) | Ayol (Hominidae) ⇒ Yiwol (Gorilla) • Ayik (Homo) • Zegol (Pan) • Parbol (Pongo)