Aleksey Savrasov

Teliz mal Wikipedia.
Aller à la navigation Aller à la recherche
Aleksey Savrasov
1830-1897
Rossiaf lingesik

Aleksey Kondratyevitc Savrasov ( rossiavon Василий Григорьевич Перов ) ba 12/05/1830 koe Moskva koe Rossia kobliyir. Ba 08/10/1897 koe mila widava awalkeyer. Tiyir geltrevaf lingesik is tan redusik va Avlemodikaf Seltom.

Blirizva[betara | va krent betá]

Savrasov dene yasa ke dolekik kobliyir. Jotapon toz zovdar aze bak 1838 dene Lingeropafa is balumaropafa is vegeduropafa reila ke Moskva toz vayar, ravembon gu Karl Rabus. Bak 1850 zo dobar ise vanpir aptacik ke patectoyafa lingeropa.

Bak 1852 ko Ukraina koyar, aze bak 1854 va Sankt Peterburg koirubar. Bak 1857 vanpir linges tavesik. Isaak Levitan is Konstantin Korovin tid ke inafa vayasikeem.

Bak mil ilanacek va Sofia Karlovna Hertz kurer. Sin va jontik yambik isu dotayesik don Pavel Tretyakov ko intafa mona emuded. Savrasov va Vasili Perov paskaleper. Sin va sint pomad, tulon ta lingera va patectoy va Volga bost dem tota, is lingeks va tcabanesa nakila.

Bak 1860-e sanda, ko Engla ta worara va Walvedeyafa Wonara az Swiza lapir. Inaf loturestaf lingesik tid britanafe John Constable is swizafe Alexandre Calame.

Razama batlize tigid trutca ( Грачи прилетели ~ 1871 ) gan jontik malyopasik gu ontinuk ke ymabafa klepa ke Savrasov zo torigir. Male entafa zixa vas zveri dimdentalasi is opelackaf patectoy, Savrasov va zeviandara ke tuwava mali fentugal kali imwugal pangon nedir. Batcoba tiyir warzafa nyabafa lingerinda. Va in tusposayar. Daretandon al vanpiyir bewik ke Avlemodikaf Seltom, batkane kojoason gu cultimafa yamba abduaskina gan bowere.

Tici 1870-e sanda adre ruyatakoler numen inafa yamba toz deoner. Bak 1882 in gu tavesikeba zo taruler aze ironokaf tandeem ke blira loloon tuwawed. Tere in tir flormakoraf ise gelbegelbeon dun kraber. Bak 1897 copon awalker.

Yona trutca[betara | va krent betá]

Dere rupec[betara | va krent betá]

Avlemodikaf Seltom

Stragela[betara | va krent betá]

  • Добровольский О. М. Саврасов — М.: Молодая гвардия, 1983. — 271 с.: ил. — (Жизнь замечательных людей) [Электронная версия]
  • Кондаков С. Н. Юбилейный справочник Императорской Академии художеств. 1764-1914. — СПб.: Товарищество Р. Голике и А. Вильборг, 1915. — Т. 2 (Часть биографическая). — С. 174. — 459 с.
  • Мальцева Ф. С. Алексей Кондратьевич Саврасов. — Л.: Художник РСФСР, 1989. — 192 c.
  • Саврасов, Алексей Кондратьевич // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  • Телешов Н. Д. Записки писателя: Рассказы о прошлом и воспоминания. — М. : Советский писатель, 1950. — 358 с. — 30 000 экз.
  • Фёдоров-Давыдов А. А. Алексей Кондратьевич Саврасов (1830—1889): Жизнь и творчество — М.: Изд-во Акад. художеств, 1950. — 77, [1] с., [3] л. ил.: ил., портр. — (Русские художники: иллюстр. монографии / Акад. художеств СССР).
Aleksey Savrasov

Aleksey Savrasov

 Koblira  12/05/1830,
 Moskva, Rossia
 Awalkera  08/10/1897,
 Moskva, Rossia
 Vedeyot  Rossia
 Eba  Lingeropa
 Serna  Geltreva, Avlemodikaf Seltom
  Grabom 
  • Грачи прилетели, 1871
  • Печерский монастырь близ Нижнего Новгорода, 1871
Crystal Project colors.png  Tuveli icde Lingeropa  Crystal Project colors.png