Teza:Xadola/Nelkaf betakseem/11/2019

Geissenklösterle arula Geissenklösterle arula, tigisa koe Schwäbische Alb jakama getalte Germana, tir ayaf is abdiizvugalaf debak ke Lekeraporugal. Tamavafa Gadakiewega Belca dem tevoya abdiizvugalafa arula ( don Geissenklösterle arula ) milvemon tigisa getalte Germana va tano katcalapafo izvaxo ke tawava tadler nume bak 2007 wetce arayaf debak ke tamavafa gadakiewega ke UNESCO zo bendeyer. Rawopaf debak Geissenklosterle arula tir tela lolentefa ke baroya arula ke Ach krant. Kolanixo ke betsa vatalteon tigir, vwon ice 60 m- vamoe titak ke krant. Ostik nelkafa galza atitsumuyur. Rawopafa kowedira koe lirkiskafa darka vakrile galza zo sopuyud. Uzif plor riyunaf gu fultey zo kosmayar voxe men al zo kojoxar. Aneyasik malyedad da bat plor vas kotunon videweyesi seri jontikote co ruldayar. Bata rawopafa muka gu rekola wali Milgaf Lekeraporugal ( pilkovon ke Moustier Sare ) is Mialukraporugal co zo royofted. Loa koafizayana olkotca koe Geissenklosterle arula gu -39000 ik -33000 ( Aurignac Sare ) zo evlayad. Kosmayan mukeem vas yon sulemkoraf kudjotam is skunderi is baroy val tulon ruldar, i muka epuyuna kum melmakolafa wula ok kum sulemafa talga ok zverifa niska. Tel lokiewon videweyes val kum drinca ke bregay ke ape dankas loror zo epuyur. Betsa va badopaf enk wali 10000 ik 50000 AR tanda al divnedir

Geissenklösterle DEBALA Debala Blaubeuren, Achtal Germana   Maneka  48° 23′ 54″ L-, 9° 46′ 20″ R- KIRA Ord Karst arula Sidopugal Jurasuk Ayafe sare Moustier Sare, Aurignac Sare, Gravette Sare Ontine ke kolanixo 580 m- Grupene abrotce 22 m- Kudjot va melmakol