Teza:Xadola/Nelkaf betakseem/08/2021

Teliz mal Wikipedia.

Okavango bost ( okon portugalavon Cubango ) sotir bareaf bost ke Geefa Afrika emon gu abrotce vas 1600 km-.

Inafa klita poke Huambo widava moe Bié azekexa koe Angola tigir. Genir aze va jowaki kene Namibia tadler aze koonir aze va salt ko Botswana jiadar.

Okavango tir biriskaf bost nume va welfa somekalnir ; inaf salt va riskapa vas 15 000 km² koe Kalahari letaxo tazukar liz griawir.

Riska tir dem ewalafa is nariltafa is uzdakafa gelawa. Dile bak lanyona tanda edje cel tir gronaf, tani lavaki va Ngami uzda artnir edje ari lavakimi va Zambezi koo Magwekwana kovoama vakorkiron artnir.

Tumtaxo ta sulem

Riska tir cugunaykafa gola dem yon vedeyaf gerd ta sulemafi bli nume va govitafa apta jontikote bravar. Jontika zveriinda isu moukol isu kabay isu perak isu ruxa blid.

Kotviele remi rodugal riska illaumar, wali alubeakast is saneaksat, mon 200 000 sulemap siudad : fuzol is krapol is kraimol is uzekol is eyundol is rayol is beicekol ikz-.

Okavango kuksa koe weda ke Caprivi vema koe valentefa Botswana
Cuito kuksa talton artnisa va Okavango bost
Okavango
KIRA
Abrotce 1600 km-
Kuksaxo   {{{kuksaxowelmot}}} km²
Bost Okavango
Celack 475 m³/v-
SALT
Klita Serra do Moco, Bié azekexa (Angola)
Artexo Biriskaf bost
Kovoapa   Cuito, Cuchi, Cuebe
TAWAVO
Patecta  Angola
 Namibia
 Botswana
Bostxopo ke Okavango