Tcerski (jaka)

Teliz mal Wikipedia.
Tcerski
jaka
KIRA
Ontine 3003 m-
Pobeda mefta
Welmot - km²
SIDOPA
Klaa Kretasuk
TAWAVO
Patecta    Rossia
Gola Saxa Sokasane, Magadan Winka

Tcerski ( rossiavon Хребет Черского ) tir jaka ke Sumefa Sibiria valentrone Rossia.

Yolt ke Tcerski jaka poron gu Jan Czerski polskaf vestasik is tawavopik zo ziliyir, i gu Czerski gadeyesi tana taneafa opafa brinuga koe bata gola tici XIX-eafa decemda.

Tawavopa[betara | va krent betá]

Pobeda mefta, ane ontine ke Tcerski jaka

Tcerski jaka voke naelivamu sotigir ise tir dem meftafa belca ke Ronefa Sibiria gee Laptev Bira. Lente jaka azekapa ke Ronefa Sibiria tigir isen Moma jaka roneon. Geron, jaka adre tuomawer vane Oxotsk Bira ; geef sekol ke jaka kale Magadan molt divlized. Ke bata sekolafa belca Angatcak jakaki tigir. Valenttalteon, Tcerski jaka kale Yana krant divlizer isen vagetalteon kale Oymyakon azekexa koe Verxoyanski rodega.

Vile sidopa, jaka jowon ice eurasiafa pozla isu lenteamerikafa sotigir.

Jaka gan Indigirka bost remrus va vristafa krantoza zo remnir. Ane ontine tir Pobeda mefta vas 3003 m-.

Jaka tir dem jontiko opraxo.

Debala ke Tcerski jaka koe Sibiria

Nelkafe ontine ke Tcerski jaka[betara | va krent betá]

  • Xadaranya mefta ( Хадаранья, 2185 m- )
  • Tas-Xayaxtax mefta ( Тас-Хаяхтах, 2356 m- )
  • Tcemalginski mefta ( Чемалгинский, 2547 m- )
  • Kurundya mefta ( Курундя, 1919 m- )
  • Dogdo mefta ( Догдо, 2272 m- )
  • Tcibagalaxcki mefta ( Чибагалахский, 2449 m- )
  • Borong mefta ( Боронг, 2681 m- )
  • Silyapski mefta ( Силяпский, 2703 m- )
  • Pobeda mefta ( Победа, 3003 m- )
  • Tcerge mefta ( Черге, 2332 m- )
Rodega is jaka koe Sibiria
AbakanAlatauAldanBaikalBarguzinDjagdiKodarKolimaKoryakKumrotcMomaSayanTannu-OlaSixote-AlinSredinniStanovoySuntar-XayataTcerskiUralVerxoyanskiVostotcniXamar-DabanXentiYablonovi