Tcarma Araya

Tcarma Araya

Tcarma Araya tir gelkeraporugalafa araya adalana gu kotawara va awalkikafo alto, voneyewesa koe istefa Europa bak milgaf iyekotugal ( moni 1600 ik 1200 AGJ ). Izva Koe istefa Europa, Tcarma Araya tir moi Unétice Araya, voneweyesa moe milo tawavo kaike Bayern gola isu Württemberg male Rhein bost kale Karpata jaka is male Alp rodega kale Balta Bira. Tcarma Araya tir levi Fiumtaxo Araya bak Guazaf Iyekotugal adalaf gu anteyara va awalkik. Kira Tana kira ke Tcarma Araya tir konaboxasa kotawara va alto : awalkik ko kela suxayana koe sid zo kotawar azen sid gu tcarma zo besar, i gu tawajuro jadion ivamufo ik vizuafo. Naboxa tiyir ilkafa lidam dofa. Naboxa kum raporpozla taneon rilafa az adre tulojomkorayana dile zo vegeduyud. Rawopik va niskaxim ke sulem ape wetayan is aryona vieleon faveyena muka al trasid. Bak bata rekola, malsavera va iyekot ton enkafa warzera kan raporafa cupa tujadiawer. Yantanyofara rigoton tuzolonawer kire va tukiewara va imizxa is xeka nover. Isen yantafa zikexa toz zo tusporgad. Irubaxo tid glupafo ise moe bria dum denoxa tisa tuwavafa rojuxa tigid. Dile vawale rebava kum inta ok rapor dem tanoy ok konak kelor. Lo wico tid rontagentimafo ok bolcekorafo is kum inta ik ar meslas ugot. Ewavak Zikeyena tawoldaxa, -1650- -1250, Ceska Tawoldaxa, Tcarma Araya Eribaf bergak Moavafa limega Imizxa trasiyina koe tcarma Tcarma koe Grafrath debak, Germana Dimtazukaks va ayikya, Molzbach debak Dimtazukaks va ayikyaf vageeem, Main gola Dere rupec →  Wafra dem abdiizvugalaf arayeem →  Bil va sidopaf ugaleem ke Tawava Vuestexa (en) Nora Kershaw Chadwick, J. Corcoran, The Celts, 1970 (en) Barbara Ann Kipfer, Encyclopedic Dictionary of Archaeology, 2000

Tcarma Araya Tentura Malefo xo Tira ke jontika ordafa tcarma koe istefa Europa Darefa araya Unétice Araya Direfa araya Fiumtaxo Araya Kira Amuzexo Istefa Europa Sare Iyekotugal Evlara -1600 ik -1200 AGJ Ordafa muka Naboxafa tcarma ; enkafa iyekotafa muka.   Tuveli icde Izvopa  Milgaf iyekotugal koe Europa      Tcarma Araya      Taltefa araya      Lentefa araya      Trzciniec Araya      Po azeka Araya      Apennino Araya      Geroneeuropafa araya