Ruftacek ke Cúcuta (1875)

Ruftacek ke Cúcuta ke 1875 tir ruftacekap tazeyes va Cúcuta vema valentrone Kolombia is kevefa jowafa Táchira winka vatalte Venezuela ba 18/05/1875. Taneafa botcera ba 11:15' gazdon sokiyir. Aluboya direfa botcera nuve sokiyid. Ewava va skaya Danexa Kosikeem Icde kosikafa ota, uldinera tid gedrafa. Sedme lanyona, 3000 kosik co tiyid, voxen cugafa ota co tiyir vas 14 000 sedme konaka lomantafa. Koe ant Cúcuta, xonukikafa ota co tiyir vas 900 ik 1000 korik. Wori awalkodikafa ota deswayana div rawaks tiyir vas 253 ayikye is 203 ayikya, trabe kotak vas 461 korik, voxen xonukik ke vegungafa widava vawale 80 km- tigis leve swela me zo patayad. Xonukera koe Villa del Rosario is San Luis is Arboledas is Salazar de Las Palmas is Gramalote is Bochalema is San Faustino koe Kolombia voxis San Antonio is Ureña is Capacho is San Cristóbal is La Mulera is Rubio is Michelena is La Grita is Colón koe Venezuela sokiyid. Arte loon 100 km-, koe tulon Chinácota is kaike Mérida voy dere tiyid zolonaf, isen ruftacek koe Bogotá is Caracas dace sumepon zo pestaleyer.

Ruftacek ke Cúcuta, 1875 UGAL Evla 18/05/1875 ~ 11:15'11" Jijacek 40 – 50" XO Koblixo  Kolombia, Cúcuta Maneka  7° 54′ 00" L-, 72° 30′ 00" T- Taw- yalta Bucaramanga – Santa Marta yalta KIRA Feka 7.5 Mw – 8.5 Mw Titsuye 15.0 km- DANEXA Amuzexo  Kolombia, Norte de Santander winka  Venezuela, Táchira winka Kosikeem 5000 – 14 000 betara teza