Preyxol (Myrmecophaga tridactyla)

Teliz mal Wikipedia.
Preyxol Va tiyara di terektal
Myrmecophaga tridactyla
giltafa pulara
Bliind   Animalia
Dansok Chordata
Volveydansok Vertebrata
Pula Mammalia
Volveypula Theria
Tolvolveypula Eutheria
Veem Pilosa
Yasa Myrmecophagidae
oxi
Myrmecophaga
Linnaeus, 1758
katca
Myrmecophaga tridactyla
Linnaeus, 1758
  Tuveli icde Sulemopa 

Preyxol (Myrmecophaga tridactyla) tir tana katca ke Myrmecophaga oxi vey Myrmecophagidae yasa ke PILOSA veem ( VERMILINGUA volveyveem ).

Gan Linnaeus bak 1758 taneon zo pimtayar.

Pimtara[betara | va krent betá]

Preyxol ( Myrmecophagidae ) yasa vas baroya amidafa katca dem preyxol ruldar, i vas tanoya sidayafa is toloya aalafa ; inafo tigixo male geeka ke Mexika kale Paraguaya divatcewer. Koe dalon bwaala voxis dilon meila irubar. Preyxol koe drim ke suxaf aal ok tawaz suxayan gan ar sulem gilirubar. Gubeon tir antiaf voxen ton tolonga dile blir. Tir antafa katca ke Pilosa veem medisa va beta talga.

Preyxol va sinka kan yoy ebidur, i kan aptaf yoy kalvekaf ta gralom-bera va mical ik frunku is konak-kase aryona beza. In tir abrotcapaf is gemaf is rodivatcewes. Tir besanaf gu vafi is sobondafi fiani tuyalestasi va beza, ise kaliapon rodedivnir aze konir, cugon decem-tev-sanon fuxe wexa icde bata preyxolinda. Abrotce ke preyxol dem baroy gelt ( ekwe gulaf preyxol ) tir vas 1.2 m- isen upene vas 60 cm- vwon ice epita. Kota abduefa bewa va baroya vitodapa dir : tela ke bareaf gelt al atripiyir nume rotir vas 10 cm-. Radimefa inia va aluboya vitodama dir. Nope cugunaykafe abrotce ke vitodeem, preyxol kanmoe divefa doma ke vafa blodja ke abduef inieem gonavlar.

Preyxol dem baroy gelt tir dalon sidayaf beka va aal drikon gruticumar, ise donaf pujesik rode-rempujes va kuksapa. Koe abdafa aala ik wedaxo voxis meila ke istefa ok geefa Amerika giblir, male Guatemala kale valentexo ke Argentina.

Viele preyxol va frunkuxo ok micalxo trasir, pune tsaxatason va olgafa divefa rebava kum rodafa dibla, va gijarotif vitodeem ke abdueinieem faver. Bam va abrotcaf gemaf pezay koplekur, ilon fargieson va yoy dem sobondafi fiani lize beza moon zo krud. Preyxol va bar-kunoyu frunku oku mical vieleon rotestur. Va paxa is aryona toka ke beza ok lesko dile malestur.

Preyxol dem baroy gelt koe bwaala is meila is wedaxo ke istefa Amerika isu geefa blir. Va mical is frunku dalon malestur, i va beza ebiduna kan abrotcaf is pof yoy. Inafe abrotce tir vas tanoye metre ise va art decem-tev-sanon fuxe wexa rodedivnir aze konir. Sulem va frunkuxo kan pezitca karavotar, i kan pezitca siakrafa balem-sanon loon dam tela ke ayik. Va begama kan gijarotif vitodeem ke abdueinieem tsaxar aze va yoy koplekur. Preyxoleem re illaumar kiren ayik vaon tcabaner isen ayikaf inkeks va inaf tigixoeem dun kodubied. Preyxol gitir afizaf govitol voxe adre tumielawer kotviele gan ayik zo funer.

Kira[betara | va krent betá]

  • Veem : Pilosa
  • Yasa : Myrmecophagidae
  • Lum : abrotce ke taka is alto vas 100 ik 120 cm-, is ault vas 60 ik 90 cm-
  • Aldo : 30 - 35 kg-
  • Talgeem : metis
  • Nazbarugal : Imwugal ok muvugal
  • Ocagugal : 6 aksat
  • Occek : 1 oc
  • Ikralukruca : ba tolda
  • Blirugal : 14-da koe stolexo

Ewava[betara | va krent betá]

Vexala dem apteem[betara | va krent betá]

Sedme Mammal Species of the World (siatos ke 2005), bata katca vas 3 apta ruldar :

Pulasa vuestexa is xantaza[betara | va krent betá]

  • (en) vuest- : Mammal Species of the World (v- 3, 2005) : Myrmecophaga tridactyla (Linnaeus, 1758)
  • (en) vuest- : CITES : Myrmecophaga tridactyla
  • (en) vuest- : UICN : katca Myrmecophaga tridactyla (Linnaeus, 1758)
  • (en, fr) vuest- : ITIS : Myrmecophaga tridactyla (Linnaeus, 1758)
  • (en) vuest- : Tree of Life Web Project : Myrmecophaga tridactyla
  • (en) vuest- : Catalogue of Life : Myrmecophaga tridactyla (Linnaeus, 1758)
  • (en) vuest- : Paleobiology Database : Myrmecophaga tridactyla (Linnaeus, 1758)
  • (en) vuest- : Animal Diversity Web : Myrmecophaga tridactyla
  • (en) vuest- : NCBI : Myrmecophaga tridactyla

Ara vuestexa[betara | va krent betá]

Kotavafa vuestesa xantaza[betara | va krent betá]


  Yaseem is oxieem ke Mindegoldunol (Pilosa)
Mindegol (Bradypodidae)Mindegol (Bradypus) | Mindegol (Megalonychidae)Mindegol (Choloepus) | Preyxol (Cyclopedidae)Preyxol (Cyclopes) | Preyxol (Myrmecophagidae)Preyxol (Myrmecophaga)Preyxol (Tamandua)
  Katceem is apteem ke Preyxol (Myrmecophaga)
Preyxol (Myrmecophaga tridactyla)Preyxol (Myrmecophaga tridactyla tridactyla)Preyxol (Myrmecophaga tridactyla artata)Preyxol (Myrmecophaga tridactyla centralis)