Noldafa bugimoda

Noldafa bugimoda
Bubo scandiacus

blisa katca / zveri

giltafa pulara

Bliind

Dansok

Pula

Veem

Yasa

oxi

Bubo

Duméril, 1806

katca

Bubo scandiacus

Linnaeus, 1758


kira
Abrotce	55 - 65 cm-
Wiltade	150 cm-
Ault
Aldo	1.5 - 2 kg-
Sinka	tovukol is libakol is nitca is wulpa is proklaci is ipomdunoloc is nudoloc

Tuveli icde Sulemopa

Noldafa bugimoda ( Bubo scandiacus ) tir katca ke Strigidae yasa, tigisa koe naelafa arktikafa lenteka.

Pimtara

Batakaf murtoy

Noldafa bugimoda tisa tan logija-rotif bugimodunol ke naelafa lenteka, koe arktikafa ruga ke Eurasia is Amerika blir. Voxen inafa tigira kare aultove dem abdualbana wivga ( tovukol ) oku riuca arapeniwer. Tulon valente Kanada moe Baffin ewala, tanoya bugimodafa yasa dem lerdoy oc is gadikeem va 1900 ik 2600 tovukol bad balemoy aksat rovoraweyar, ugale bat sebadadunol koe ruga viakud. Remi aluboya safta tiskina koe atoxo, tanoy oc va mon 140 malestur, trabe vas mon 11 kg- ! Bugimoda tir pockafa ta tcizara va derokafa rekola. Tire atoapar ugale wivga aultoved voxe tod riuca riwe me atoar. Ison bat listaf batakaf murtoy vas tovukol kotron me rupter ; kire va aryon sulem dere malestur, i va jotaf libakol voxis dalon jontika zveriinda : nitca is wulpa is proklaci is ipomdunoloc is nudoloc is aryon zverioc.

Bruxafixupu

Bugimoda tir gundafa gu bruxafixu ise tir kalvekafa gu fent larde oralotsa is kotceem is iteem tid antafi bruxiskafi altoki. Bugimodaye va riwe kotron batakaf bruxeem dir, solve bugimodaya va jontik orikaf nok keve aftaf ludev atoer. Bak lanyona tanda ugale bugimoda jontikote tid, jontikbata va xantafa coyunta bulud aze va logeefa gola tolgenison kaltalad. Wali 1833 is 1950, mana tol-san-anyustoya tolgenira koe Lentefa Amerika dilizeyed. Bugimoda va geeka ke Kanada is lenteka ke Tanarasokeem arttalayad. Fentugalon, ant zveri abicote moe nazbalkexo koe orika is fent zavzagid. Arak keldur ise keno bostaf krant va taiga aala kotalar.

Afigasuteks

Taka ke noldafa bugimoda
Noldafa bugimoda
Noldafa bugimoda, tcabaneson
Noldafa bugimoda, talason
Ato ke Noldafa bugimoda

Xantaza

Noldafa bugimoda dene www.europalingua.eu

Notraca

Pulasa vuestexa is klita

(en) vuest- : Alan P. Peterson : Bubo scandiacus is Strigiformes
(en) vuest- : Animal Diversity Web : Bubo scandiacus
(fr+en) vuest- : Avibase : Bubo scandiacus
(en) vuest- : Catalogue of Life : Bubo scandiacus (Linnaeus, 1758)
(en) vuest- : Walvedeyafa Zveriopafa Aba : Bubo scandiacus is Strigiformes
(fr) vuest- : DORIS : espèce Bubo scandiacus
(fr) vuest- : Oiseaux.net : Bubo scandiacus
(fr) vuest- : INPN : Bubo scandiacus (Linnaeus, 1758)
(fr+en) vuest- : ITIS : Bubo scandiacus (Linnaeus, 1758)
(en) vuest- : Fauna Europaea : Bubo scandiacus
(en) vuest- : NCBI : Bubo scandiacus
(en) vuest- : Tree of Life Web Project : Bubo scandiacus
(en) vuest- : UICN : Bubo scandiacus (Linnaeus, 1758)
(en) vuest- : World Register of Marine Species : Bubo scandiacus (Linnaeus, 1758)

Ara vuestexa

Noldafa bugimoda (Bubo scandiacus) dene Wikispecies

Yaseem is oxieem ke Murtoydunol (Strigiformes)

Murtoyek (Tytonidae) ⇒ Murtoyek (Tyto) • Murtoyek (Phodilus) | Murtoy (Strigidae) ⇒ Bugimoza (Otus) • Murtoyuk (Mascarenotus) • Bugimoza (Psiloscops) • Bugimoza (Megascops) • Bugimoza (Pyrroglaux) • Bugimoza (Margarobyas) • Bugimoza (Ptilopsis) • Bugimota (Bubo) • Bugimota (Ketupa) • Murtoyom (Scotopelia) • Murtoy (Strix) • Bugimo (Jubula) • Bugimo (Lophostrix) • Murtoy (Pulsatrix) • Murtoy (Surnia) • Murtoyuk (Glaucidium) • Murtoyuk (Xenoglaux) • Murtoyuk (Micrathene) • Murtoyuk (Athene) • Murtoy (Aegolius) • Murtoy (Ninox) • Murtoy (Uroglaux) • Murtoy (Sceloglaux) • Bugimo (Pseudoscops) • Murtoy (Nesasio) • Bugimo (Asio)