Napoléon moe gindaf uskej (trutca ke Ingres)

Teliz mal Wikipedia.
Napoléon moe gindaf uskej ~ Napoléon sur le trône impérial (FR)


Napoléon moe gindaf uskej ( francavon Napoléon sur le trône impérial ) tir delt va Napoléon I moe gindaf uskej ton tubaerdaraf aboz, i trutcapa lumkiraf gu 260 × 163 cm-, i puntalingeks lingeyen gan Jean-Auguste-Dominique Ingres francaf lingesik bak 1806. Koe Ervolia tcilaxe ke Paris re tigir.

Izvot[betara | va krent betá]

Envayana wetce galbedus gaderopaf grabom gokotgrupes va francaf gindik, trutca ta kolna ke puloda tore zo jafayar. Viele dene Bontay zo wonar, pune gan milsareik kre meon zo malyedayar. Numen gadesik va tcila va grabom gu Bontay di deswayar.

Kaikion, i grabom lokuvon zo gunesteyer nume gu tana losposafa trutca volasa va Napoléon Bonaparte re zo torigiyir.

Pimtara is martig[betara | va krent betá]

Grabom va savsaf gretcaks va francaf gazik is tanoy gretcaks volas va Jupiter lorik wetce vuestesa teza kiblar.

Va Napoléon debanyes moe cugexaf uskej is bluctekiraf gu kulupaf batakaf gem is rolmukaf aboz dem moavayaf blat ke Mérovée prostelay kaatoer. Gindik va flek ke Légion d'Honneur poraveem bene berga diskir. Taltefa nuba moe jaday tigir edje tela ronefa va woz volas va kudjama va Charles V gir. Toleaf woz dem otsa volasa va Malyesa Nuba ( savsaf woz ke francaf gazik ) keve taltefa ma ke gindik tigir, isen dugot kimbas va Joyeuse vartaf is vundaf dugot ke Carolus Magnus do moavukafa zikexa ke gem dojewer. Pretcasona tir denafa vuestexa va gindikeem ke savsavafa Roma.

Valeve uskej, tcalist kaatoes va gindafa leca vas kiiz is sespa vas malyerot is birgaf sugdaks ke yambik. Keve geak, toloya zawa ke Italia gazaxo zo rowid.

Soyutaf is granaf delt va Napoléon Bonaparte kotgruper, artazukason gu riwe lorafi koeti inde cugexuca ke detce tiaver.

Dere rupec[betara | va krent betá]

Trutceem ke Ingres

Napoléon moe gindaf uskej
Napoléon sur le trône impérial

Napoléon moe gindaf uskej
 Yambik Jean-Auguste-Dominique Ingres
 Evla 1806
 Ord Delt
 Lingerinda Puntalingeks moe stama
 Lum 260 × 163 cm-
 Tigixo Ervolia tcilaxe, Paris


Trutceem ke Ingres
Izvaf ok vundopaf lingeks

Napoléon moe gindaf uskejPaolo is FrancescaRaffaello is FornarinaZeus is Tetis

Delt

Caroline Murat gazikyaAmédée-David Pastoret biptikyeAugustine-Modeste-Hortense ReisetAyikye dem oblakakBelvèze-FoulonBetty RothschildBonald gertikBonaparteBroglie sersikyaCaroline RivièreDuvaucey W-yaFrançois-Marius GranetGonin WeltocyaHaussonville biptikyaJacques Marquet de Montbreton de NorvinsJacques-Louis LeblancJoseph Ingres, gadikye ke yambikNikolay Guryev biptikyePierre-François BernierTournon biptikyaZélie listya

Lebaca

Koblira ke VenusKolavasikya ke ValpinçonKolavasikya mialonTurkafe kolavaxe

Alkaf lingeks Turkafe kolavaxe
Mivdelt Turkafe kolavaxe
  Tuveli icde Lingeropa