Nankey (Fulmarus glacialis)

Naelaf nankey
Fulmarus glacialis

blisa katca / zveri

giltafa pulara

Bliind

Dansok

Pula

Veem

Yasa

oxi

Fulmarus

Stephens, 1826

katca

Fulmarus glacialis

Linnaeus,1761


kira
Abrotce	47 cm-
Wiltade	1.10 cm-
Ault
Aldo	600-800 g-
Sinka	kabayam is lonadunolam is spolk is aseza

Tuveli icde Sulemopa

Naelaf nankey ( Fulmarus glacialis ) tir katca ke Procellariidae yasa, tigisa koe naelafa arktikafa lenteka.

Pimtara

Alitasiso ervo

Kotviele naelaf nankeyoc ( Fulmarus glacialis ) men grutalas zo mazuker, pune va keskota-pafa nendaxe sodir : va puntakorafa plawa ( tisa lan uvoonaf edzosiaks ) kal soluma vas 60 ik 90 cm- kevkabur, i va plawa disa va linvesa dakelaja jupasa da lujdik loviele dimetalar oke dimelanir ! Va logajayani povi dere grudivplatir ! Nankeyoc moe krimpa ke mefta ok nilafa gravida ke kiria vamoe bira koblir. Voxe moi maltalara va « begama » anton tisa suxomacka koe pist ok tawa, va lavok kaltalar lize yon decitoy milkatcik ked. Moe Devon ewala valente Kanada, toloye vudime dem nankey vas yoni decitoyi zveri ruldad, i vas zvri kerelesi va raporafi krimtaki vas konake decitmetre. Ton durefa granka, aneyatason va sinka, sin kene krimta maltalad aze dimtalad, aze vamo bira iltalad. Banlize dere, va tcastafu viakupu kene yone sanoye decitmetre tazukad.

Darsik ke naelafa lenteka

Iluon, naelaf nankey ( Fulmarus glacialis ) nope lukoptaf is batakaf bruxeem vas lofta ok lakro vektar. Neken kaliapon katcalat da wilteem sotir nilaf ise otseem me tir ton adalasa ebeltafa uka. Isen viele zveri va int aykar, dojera bam tir merotisa kiren ini me ranyer voxe mo inieem senyar nume abdulanitison gempon impur. Kire nankey va azekaxo megrumaltalar, pune moe ticuk kottode begamur lizu ko vlarde va int di rovovanmimar ise di rowiltbotcer.

Nankey tid ke toloya kseva : bat varon orikaf lukoptafaltaf, ban loon aftaf. Neken sin kotote tid ke mila katca, isen bata amidaca va klaa ok ikra somedikir. Nankey tir tani zveri lodilon lenttalasi larde va laksiwak vas 81° koe Nunaata arttalar. Tir lonobafi zveri ke Arktikafa gola lize remi kotafa tanda dile zavzagir. Fentugalon, pokon gilamar : valent Atlantika welfa oku Pacifika.

Afigasuteks

Naelaf nankey
Naelaf nankey
Naelaf nankey, talason
Ato ke Naelaf nankey

Xantaza

Naelaf nankey dene www.europalingua.eu

Notraca

Pulasa vuestexa is klita

(en) vuest- : Alan P. Peterson : Fulmarus glacialis is Procellariiformes
(en) vuest- : Animal Diversity Web : Fulmarus glacialis
(fr+en) vuest- : Avibase : Fulmarus glacialis
(en) vuest- : Catalogue of Life : Fulmarus glacialis (Linnaeus, 1761)
(en) vuest- : Walvedeyafa Zveriopafa Aba : Fulmarus glacialis is Procellariiformes
(fr) vuest- : DORIS : espèce Fulmarus glacialis
(fr) vuest- : Oiseaux.net : Fulmarus glacialis
(fr) vuest- : INPN : Fulmarus glacialis (Linnaeus, 1761)
(fr+en) vuest- : ITIS : Fulmarus glacialis (Linnaeus, 1761)
(en) vuest- : Fauna Europaea : Fulmarus glacialis
(en) vuest- : NCBI : Fulmarus glacialis
(en) vuest- : Tree of Life Web Project : Fulmarus glacialis
(en) vuest- : UICN : Fulmarus glacialis (Linnaeus, 1761)
(en) vuest- : World Register of Marine Species : Fulmarus glacialis (Linnaeus, 1761)

Ara vuestexa

Naelaf nankey (Fulmarus glacialis) dene Wikispecies

Yaseem is oxieem ke Nankeydunol (Procellariiformes)

Apsaka (Oceanitidae) ⇒ Apsaka (Oceanites) • Apsaka (Garrodia) • Apsaka (Pelagodroma) • Apsaka (Fregetta) • Apsaka (Nesofregetta) | Tugol (Diomedeidae) ⇒ Tugol (Phoebastria) • Tugol (Diomedea) • Tugol (Phoebetria) • Tugol (Thalassarche) | Nankeyot (Hydrobatidae) ⇒ Nankeyot (Hydrobates) • Nankeyot (Oceanodroma) | Nankey (Procellariidae) ⇒ Nankey (Macronectes) • Nankey (Fulmarus) • Nankey (Thalassoica) • Nankey (Daption) • Nankey (Pagodroma) • Nankey (Halobaena) • Nankey (Pachyptila) • Nankey (Aphrodroma) • Nankey (Pterodroma) • Nankey (Pseudobulweria) • Tugolek (Procellaria) • Tugolek (Calonectris) • Tugolek (Ardenna) • Tugolek (Puffinus) • Nankey (Pelecanoides) • Nankey (Bulweria)