Mungo Park
 |
 |
Bat teliz tir remgudaks icde watsa vas izvopa. Nume di zo gotukotrar. Rinafa givasa ik sutelasa pomara di zo karolapar. |
|
Mungo Park ( 1771-1806 ) ~ Skotaf vestasik va Afrika Ba 10/09/1771 koe Fowlshiels koe Skota kobliyir. Abdi selaropafa vayara, vanpiyir nubaroperopik. Koyaraskeus, vanpiyir baltanaf ta kosmara va klita ke Niger bost. Mungo Park va trenara va vestara ke Houghton drageyer. Va koyara tandon egayar aze ba 22/05/1795 va Engla mallapiyir. Ba 21/06/1795 va artexo ke Gambia bost kallapir aze kal Pisania kazafo xo va kuksa ticlapiyir. Va abica xofa afoka raveyer aze bak 12-aksat 1795 koo gola va koyara di tozuyur.  Va Senegal bost remlaniyir aze va Mule gola az Bondu gola az Kaarta gola worayar. Gan yon maurik zo sopeyer aze balemaksaton di tiyir flintaf lize wetce levetirik gan Ali sinaf okilik zo askipeyer. Tere va otcera kiewaskir. Tison antaf, gelanir ise va mano kusto abrotcion koolanir. Arti baroya safta, noon enmejeson is aelepeson is siputnakenon, va Segou widava tere artlanir lize va Niger kuksa taneon wir. In vofar da Niger kuksa vion ronon traspur. Tison volkeaf ta kosmara va kuksaxo, va mon 110 km kenlanir. Wori puskewer ise akoler maneke da va dimlanira va Segou di gorar. Voxe zdarion walzeyenon gan yon patectolaf nik da koe bata widava olgalicuyuna gan intaf savsaf fuxedjik di co tir kowupen ede co dimlanir, Mungo Park van Kamilia ara widava remo mevtavaxo gelanir. Ko Kamilia dene Manding sane puskepeweyeson artlaniyir aze wale blira is awalkera konakvielon zavzagiyir. Radimida dimon tiyir galamaf, gorayar da do levetirikafa teremta lanisa van krimta va int zokeveyer. Ba dimlapira koe Engla, arti tevoy aksat, va kridjoveks va intafa koyara di tusanegayar. Bak 1798 va int kurer aze koe Peebles koe Skota va ilput fenkur. Voxen bata deblitafa blira va in vol rwaver. Acum bak 1803 va firvira ke bowere ta stara va warzafa brinuga ko Niger kuksa daavon naler. Ba 30/01/1805 va Gorée brinuga bulur. Golde muvugal kaiki portapafa koyara ko Bamako va kuksa artlanir. Koe Sansanding va tota ta vaticlapira va Niger kuksa volmiv di vegedur. Nekev volfakaceem, ken 1600 km vaticlapiyir vieli gan Xausa saneik zo dilfuyur. Dum yon dositik vaxe toloy ve wizuweyer. Kridjoveks ke Mungo Park[betara | va krent betá]
|
| ||||||||||||||||
