Aller au contenu

Moe piluda, titawaltara (trutca ke Boudin)

Ajouter des liens
Teliz mal Wikipedia.
Moe piluda, titawaltara ~ Sur la plage, soleil couchant (FR)


Moe piluda, titawaltara ( francavon Sur la plage, soleil couchant ) tir trutca lumkirafa gu 38.1 × 58.4 cm-, i puntalingeks keve intabopica skuyun gan Eugène Boudin francaf lingesik bak 1865.

Bata trutca koe Metropolitan yambatcilaxe koe New York koe Tanarasokeem re ( 2018 ) tigir.

Drunara

Kot patectoy ke Eugène Boudin vas kelt dem welma vas toloya bareaca ke trutca en ruldar. Bata bunerinda gan nederlandaf lingesik ke XVII-eafa decemda ( Van Ruisdael is Meindert is Hobbema ) ixam zo malsaveyer, i gan lingesik ixam getcas va rundapa dem rujod. Yoke lidawicka, kelt ke domega ke Manche bira isu North rion tir faltaf. Tuwavevafa kerdela ke Boudin tir ke lentekafa prostewa dakitina kali tena ke XIX-eafa decemda gan darelitevaf yambik dum Johann Barthold Jongkind ( La Ciotat, 1880 ) is dere turestatasa va jotaf Claude Monet.

Boudin va lana ixam savsafa teza kanarir, i va teza novesa va milugalafa malaskira va toloy mukot. Taneon kristera va ilsuyuca gu patectoy voneyena kale zidaconya remstisa va varafa lingena darka. Azon malsavera va kelt ton afiklita molavasa va kotaf patectoy. Kare rujodafa akruca ik gemelt ke afizcek, lana koafira dem dat nideks zo rotawisir.

Boudin batkane vanpir aptacik va rujodkiraf kelt vamoe bira, i kelt mafelan gan Corot dayoltayas va normandaf lingesik gu « gazik va kelt ».

Moe piluda, titawaltara trutca tir tana jontika trutca skuyuna gan Boudin bak 1860-e sanda, gesiasa va krimtafa koyutarula is normandaf patectoy. Tcederapa ke buneks tir ke felilepesa dimdeswara va sielafi afi anamplekusi va varaf patectoy is nudrumstisi va vola is bixe ke piluda. Lingesik va vula kan litevafa adala ke inafa vanfira lajutuezlar. Mecoba zo kalir voxen kotcoba gan mesolwif vox rokagrupepen tazuk zo tiaver, kan kelt gracaf vox ware tuamuzas va tuaxani afi. Jadifa litera vas wiyuca male trutca diveksoyewer.

Dizvesik ke XXI-eafa decemda va bat patectoy gu tame ke Marcel Proust ostik rogesiar, kore trutca ugalon tir abdifa. Debak koswayas va Boudin me zo pilkomodar voxen rotrakut da tir Cabourg ( Balbec ke Proust ) isen prilas koredik kene lavok ko Gidapa fu lanid, i ko xe ware kruldeso keve gestaxo kene piluda. Batcoba dere tir beviara va tamava griawiyisa vox re tigisa kan diola ke yamba, kiewagina gan Eugène Boudin. Koninde minafa aneyara va drasuyun ugal.

Watsa va Titawaltara

Remi klepa, Eugène Boudin va konaka trutca watson gu Titawaltara lingeyer. Lana tid grupeckena, tulon :

Dere rupec

► Trutceem ke Boudin

Stragela

  • (fr) Gustave Cahen, Eugène Boudin, Paris, H. Floury Éditeur, 1900.
  • (fr) Claude Roger-Marx, Boudin, Georges Crès & Cie, 1927.
  • (fr) Louis Cario, Eugène Boudin, Les éditions Rieder, « Les maîtres de l'art moderne » dotay, 1928.
  • (fr) Gilbert De Knyff, Eugène Boudin raconté par lui-même, Éditions Mayer, 1976.
  • (fr) Denise Delouche, Eugène Boudin et la Bretagne, Palantines, 2000, ISBN 2-911434-12-9.
  • (fr) Laurent Manœuvre, Boudin-Dessins, 2000, ISBN 2-914239-50-5.
  • (fr) Laurent Manœuvre & Anne-Marie Bergeret, Eugène Boudin, la magie de l'air et de l'eau, Garches, Éditions À Propos, 2016, ISBN 2-915398-14-3.
  • (fr) Robert Schmit, Catalogue raisonné de l’œuvre peint d’Eugène Boudin, Paris, Galerie Schmit, 1973 azis 1984 azis 1993.
  • (en) Peter C. Sutton, Boudin : Impressionist Marine Paintings, 1991, ISBN 0875771564.

    • Tcila Xantaza dene internet ok internetxo

    Moe piluda, titawaltara
    Sur la plage, soleil couchant (FR)

    Moe piluda, titawaltara
     Yambik Eugène Boudin
     Evla 1865
     Ord Patectoy
     Lingerinda Puntalingeks keve intabopica
     Lum 38.1 × 58.4 cm-
     Tigixo Metropolitan yambatcilaxe, New York, ( Tanarasokeem )


    Trutceem ke Boudin
    Korik moe piluda

    Batakakorikya moe piluda ke Trouville • Cavaf bluctekirik moe piluda • Gratcotek moe piluda • Keyaksera moe piluda ke Trouville • Kolavara koe Deauville • Kolavasik moe piluda ke Trouville • Korik moe piluda (1) • Korik moe piluda (2) • Korik moe piluda (3) • Korik moe piluda koe Trouville • Metternich sersikya moe piluda • Moe piluda • Moe piluda ke Trouville (1) • Moe piluda ke Trouville (2) • Moe piluda, Dieppe • Piluda ke Trouville (1) • Piluda ke Trouville (2) • Piluda koe Trouville (3) • Piluda koe Trouville (5) • Piluda koe Trouville (6) • Piluda koe Trouville, Eugénie gindikya • Piludafa nakila (1) • Piludafa nakila (2) • Piludafa nakila (3) • Piludafa nakila koe Trouville (1) • Piludafa nakila koe Trouville (2) • Piludafa nakila koe Trouville (3) • Piludafa nakila koe Trouville (4) • Piludafa nakila, Trouville (1) • Piludafa nakila, Trouville (2) • Piludafa nakila, Trouville (3) • Piludafa nakila, Trouville (4) • Tildesik moe piluda ke Trouville • Piluda (1) • Piluda (2) • Piluda ke Villerville • Trouville (1) • Trouville, piludafa nakila (1) • Trouville, piludafa nakila (2) • Trouville, piludafa nakila (3) • Trouville, piludafa nakila (4)

      Tuveli icde Lingeropa 
    Dimnarin mal « https://avk.wikipedia.org/w/index.php?title=Moe_piluda,_titawaltara_(trutca_ke_Boudin)&oldid=149145 »