Mixaylo Boytcuk

Teliz mal Wikipedia.
Mixaylo Boytcuk
1882-1937
Ukrainaf lingesik

Mixaylo Boytcuk ( ukrainavon Михайло Бойчук ) ba 30/10/1882 koe Romanivka koe Ukraina kobliyir. Ba 13/07/1937 koe Kyiv koe Ukraina xonuker. Tiyir lingesik ke Ukrainafa Cugexeva is inafa serna.[1][2] Gu kaatoesik va oxila ke Zeltayana Dimblira zo torigir.

Blirizva[betara | va krent betá]

Mixaylo Boytcuk koe Romanivka wida banugale tigisa koe gindaxo ke Ostera is Magyara vox re koe taltefa Ukraina koe Ternopil winka.[3]

Va lingeropa koe Lviv poke Yulyan Pankevitc az Kraków az Wien az München vayar.[2] Bak 1905 dene Latour Ginsaxe koe Lviv [4] taneatomon wonar. Boytcuk wali 1907 is 1910 koe Paris blir lize bak 1909 va intafo taveso lingexo redur.[2] Banugale do Félix Vallotton is Paul Sérusier is Maurice Denis kobar nume gan sin yambon zo turestar. Bak 1910 va divaykara va intyon grabom is telyon ke tavembik dene Bontay dem Meruptesik atoer, i va grabom icde « Dimblira ke Byzantion yamba ». Seltom dem ukrainaf yambik doon vayayas isu lingeyes gu yolt vas serna ke Ukrainafa Cugexeva ok boytcukeva zo grupeyer.[5][6] Boytcuk bak moion mil ilanacek ko Lviv dimlapir lize wetce videsik va Vedeyafa Tcila ke widava di kobar. Bak 1911 koe rossiafo gindaxo koyar voxen moi toza ke Taneafa Tamavageja, wetce osteraf wideyik zo kobuder. Radimi geja Boytcuk koe Kyiv zavzagir. [2]

Bak 1917 vanpir tan zabdusik va Yambatcilaf is Vegeduropaf Vedeyaf Cultim lize va lenopa is bitcopa taver aze bak 1920 vanpir gadesik.[7] Mali 1918 [8] do Ivan Padalka is Vasil Sedlyar tir dalaf kaatoesik va ukrainafa cugexeva, aze va Gesia ta artowasa yamba ke Ukraina dozabdur.[2][9]

Banugale va konak cugexaf grabom ixam al skur ise va lana serna dem cugexevaf lingesik al vanblisir, i va serna ksuldetesa kali intafa awalkera. Bata serna vas yon sposaf yambik dum Timofi Boytcuk berikye is Ivan Padalka ruldayar.[2]

Nope Karlerapa, Gesia ta artowasa yamba ke Ukraina zo solelar, isen Boytcuk is Sofiya Nalepinska kurenikya dere tisa yambik nope toidera is kevartowasa tegira bak 1936 zo soped. Koe Kyiv gan ardialikaf tum zo klibud : Mixaylo ba 13/07/1937 [2] az Sofiya ba 11/12/1937.[10][11]

Yona trutca[betara | va krent betá]

Dere rupec[betara | va krent betá]

Vexala dem ukrainaf lingesik

Vuestexa[betara | va krent betá]

  1. (en) Herbert Marshall, Masters of the Soviet Cinema : Crippled Creative Biographies, Routledge, 2013, ISBN 978-1317928706, bu 99.
  2. 2,0 2,1 2,2 2,3 2,4 2,5 et 2,6 (en) Myroslav Shkandrij, Boichuk, Mykhailo, dene Internet Encyclopedia of Ukraine, 2005.
  3. (en) « Boychuk, Mykhaylo, dene Grove Art Online, DOI 10.1093/gao/9781884446054.article.T010704.
  4. (en) Volodymyr Kubijovyc, Boichuk, Mykhailo, dene Internet Encyclopedia of Ukraine, vol. 1, 1984, bu 260.
  5. (en)Boychukisme : Great style project, dene artarsenal.in.ua.
  6. Jean-Claude Marcadé, Quelques remarques sur les traits distinctifs de l’École ukrainienne de peinture dans le premier quart du XXe siècle, Cahiers slaves, n° 14,‎ 2016, bu 279-295.
  7. (en) Serhii Bilokin, Ukrainian State Academy of Arts, dene Internet Encyclopedia of Ukraine, 2005.
  8. (en) Ukraine : Visual arts, dene Encyclopaedia Britannica.
  9. (en) Myroslava M. Mudrak, Association of Revolutionary Art of Ukraine, dene Grove Art Online.
  10. (uk) Andriy Sydorenko, Монументальні розписи бойчукістів у національній академії образотворчого мистецтва і архітектури, dene Modern Art, 2010, n° 7, bu 154.
  11. (en) Nalepinska, Sofiia, dene Internet Encyclopedia of Ukraine, 1993.
Mixaylo Boytcuk

Mixaylo Boytcuk

 Koblira  30/10/1882,
 Romanivka, refa Ukraina
 Awalkera  13/07/1937,
 Kyiv, refa Ukraina
 Vedeyot  TSSS
 Eba  Lingeropa
 Serna  Witeva, Ukrainafa Cugexeva, Zeltayana Dimblira
  Grabom 
  Tuveli icde Lingeropa