Aller au contenu

Metcalfe lova

Teliz mal Wikipedia.
Tikieem koe gort dem 2 az 5 az 12 weboka

Metcalfe lova tir rietovafa is bagalevafa lova ke gortkeska slemayana gan Robert Metcalfe ( redusik va 3Com zolosta, is mopoyesik va Ethernet kitsend ).

« Favluca ke kon gort sotir baxekafa gu lujorafa ota ke favesikeem. »

— Robert Metcalfe


Bata lova vas sazdara va miliduca ke gortaf webo-keem co tikir, rotadlena gu askisiki ok mukasiki. Va tokodafa sabera va gortkeska ok boxokeska nover.

Pebura[betara | va krent betá]

Metcalfe lova va gortkeska tikisa vas givasa brubeopa pebur ise gu gort dum Internet is gortbolk is World Wide Web gort zo rorewar. Zo pebur larde ota ke rotis tikieem koe lan gort kan weboka tir vas , flioda milvodafa gu tod niedas va teniske.

Rewaks[betara | va krent betá]

Metcalfe lova ruyecker da loeke favesik koe lan gort tigid, pune loeke bat gort sotir vodakiraf.

  • Koe bet seltaf gort ( tulon Facebook ) zo sorewar. Tode kontan tir ant, pune meka favuca sotir ; voxen tode grupenikeem ke kottan dere tid ke lan gort, pune pakasi ik ikazilisi fli toz tid pestakirafi.
  • Ina dere pebur da cek dem dokobasa xeka ( tulon Wikipedia ) tukulawer nume tukeskotawer, ton ask kaliaf lodam kalie ke laumara ke webesikafa ota.
  • Ina vas bareaf briz ke Pascal bargentim tikir : 1, 3, 6, 10, 15, 21, …, trabe 1 fuxe 2 weboka, 10 fuxe 5 weboka, az 66 fuxe 12 weboka.

Vuestexa[betara | va krent betá]