Kerafa kepaita, wida fentugalon ~ Les Toits rouges, coin de village, effet d'hiver (FR)
Kerafa kepaita, wida fentugalon (francavon Les Toits rouges, coin de village, effet d'hiver) tir trutca lumkirafa gu 53 × 64 cm-, i puntalingeks keve stama skuyun gan Camille Pissarrofrancaf lingesik bak 1877.
Bata trutca koe Orsay tcila ke Paris koe Franca re (2018) tigir.
Pimtara
Kerafa kepaita, wida fentugalon tir patectoyafa trutca. Kerafa kepaita ke lana wida mone Pontoise bak fentugal tid inafa idja. Va vamoon kesi az ticon gila ke faltaf kelt rowit. Kabdueon iltaal tigid.
Bat grabom zo skuyur ugale klepa ke Pissarro va remawis alpoz kaaneyayar. Va turestara ke Paul Cézanne koe vegedura va patectoy dere stragat. To tula ke abdualban fum ke Pissarro tir: tawadayaf fum, opelaf is tuwavaf.
Kseva laneke tizon va sint kevud, manon ikaf ukeem.
Pissarro va kaliafa lingerama varon tutanasa va trutca malsaver.
Watsa va Pontoise
Watsa va Pontoise va Camille Pissarro remi klepa koswavayar. Ino va konaka trutca oku siatos lingeyer. Tulon grupet:
(fr) Claire Durand-Ruel Snollaerts, Pissarro: Patriarche des impressionnistes, Paris, Gallimard, coll. «Découvertes Gallimard / Arts», 2012, 128 bu, ISBN 978-2-07-044970-5.
(fr) Claire Durand-Ruel Snollaerts is Joachim Pissarro, Catalogue critique des peintures, Milan, Paris, Skira, Wildenstein Institute, 2005, 1500 bu, ISBN 978-88-7624-526-8.
(fr) Christophe Duvivier is Eva-Marina Froitzheim is Wolf Eiermann is Claire Durand-Ruel Snollaerts is Janine Bailly-Hertberg, Camille Pissarro et les peintres de la vallée de l'Oise, Paris, Somogy éditions d'art, 2003, 173 bu, ISBN 2-85056-682-9.
(de) Gerhard Finckh, Camille Pissarro. Der Vater des Impressionismus, Von der Heydt-Museum Wuppertal, 2014, ISBN 978-3-89202-091-2.
(fr) Sophie Monneret, L'Impressionnisme et son époque, Paris, Robert Laffont, 1987, 997 bu, ISBN 2-221-05412-1.
