Izva ke Burkina
 Tuveli icde Izvopa
|
Mossi gazaxo isu Gourmantché
[betara | va krent betá]Patecta, koe ronexo, gan Mossi sane isu Gourmantché, zabduyusa va yonon gejafo gazaxo, zo kereler. Mossi sane, batvielon tela felisa lospa, va tuislamevara acagir. Taltexo gan jontike sane ( Dioula is Samo is Marka is Ga is Lobi ikz- ) logaveon zo kereler. Bak 18-eafa decemda, Dioula saneik ke Kong gazaxo ( noelafa Koteivoira ) aname Bobo-Dioulasso va Gwiriko gazaxo redud.
Francafa boniara
[betara | va krent betá]Francik bak 1890 va Mossi patecta taneatomon kolanid. Bak 1896, Gourounsi gola vanpir francafa nendasikeba. Bak 1899 Franca va patecta ten kalkereled. Ruldayana vanmia Haut-Sénégal-Niger ( 1904 ), Haute-Volta bak 1919 ton tawavo zo tadler. Pakayana bak 1932 wal Sudana is Koteivoira is Nigera, bak 1947 zo toltadler. Rassemblement Démocratique Africain ( RDA ) pako va gaderopafa divmodara va Haute-Volta tukuvar : bak 1946 Ouezzin Coulibaly inaf retik wetce krinanik zo libur. Bak 1958 Haute-Volta vanpir sokasane.
Volruptesuca
[betara | va krent betá]Bak 8-aksat ke 1960 volruptesuca zo etimar isen taneagadesikeba pu Maurice Yameogo zo odiar. Ervolia bak 1966 rotinarir. Sangoule Lanzana jadiwik, sokokilik, bak 1977 va wideytafi roti dimsular, voxe bak 1980 gan Saye Zerbo vombik zo vetrovgar. Patecta va rekola ke mebogruca bam kofir. Toloya radimifa sayakafa kevsokara va Jean-Baptiste Ouedraogo dirgasik ( 11-aksat ke 1982 ) az Thomas Sankara redakik ( 8-aksat ke 1983 ) korotid. Battan, tice Vedeyaf Pirdot va Artowara ( Conseil National de la Révolution / CNR ), va « sanerotifa is sanefa artowara » tulecana gan warzaf yolt ( Burkina Faso va « Patecta dem jabudikeem » sugdalar ) pu patecta bak 1984 sopur. Bak 1987, Thomas Sankara bal kevsokara eksudana gan rotinaris Blaise Compaoré redakik zo aytar. Battan mali 1990 kabur va tusanerotiasa abduaxa naavdasa va ikatcura va warzafa tadlemwa is ganon watana taneagadesikafa libura bak 1991. Bak 1998 tollibuyun, in va sposaca va febaf pofesik tove walvedeyaf miazilisikeem pojar. Voxen inafa olguca dolge tsunesikeem is bilita tuyena gan adjubera va felik ( 1998 ) va sposuca decenad. Inafa yordara koe yona golafa koboda dere zo moakler.