Isabel Le Brun de Pinochet
|
Isabel Le Brun de Pinochet, kobliyis bak 1845 koe San Felipe koe Tcilea az awalkeyes bak 1930, tiyir tcileaf tavesik is gaaropik. Dokobason va Antonia Tarragó González, noveyer da ayikya va oldafa is kotlafa vayara koe Tcilea rovansayad Blirizva[betara | va krent betá]Tir nazbeikya ke francafe sayakikye is gaaropikya ke San Felipe koe gola ke Valparaíso. Isti XIX-eafa decemda, vansara ke yikya va oldafa vayara zo kimayar, anton dene alkafa bema. Isabel Le Brun de Pinochet va yasegafa olda bak 1875 koe Santiago exoner, i va Recoleta olda re tisa yolton gu Isabel Le Brun de Pinochet olda. Batcoba va gaas bolk fukorlan gan soka mu ikreem runjoyar, tison tan taneaf kizey tiskas va mila gaara pu ayikya lidam ayikye. In va oldafa tavera dere dafur. Van rictaga lujon sayudar enide ayikya va kotlafa ravera dere di rovansad. Inafa ubzera tere tceded viele bak 1877 Miguel Luis Amunátegui eldik ta gaara va vansara ke tcileikya va kotlafa ravera azavzarer. Bak 1946, cugexa porasa va Isabel Le Brun de Pinochet is Antonia Tarragó González is yoltayana gu Cugexa pu gaasikya is epuyuna gan Samuel Román balumasik zo taneaster ise moe Alameda ikpapa ke kelu zo renzar. Vuestexa[betara | va krent betá]
|
 Cugexa porasa va Isabel Le Brun de Pinochet is Antonia Tarragó González koe Santiago, balumayana gan Samuel Román | |||||||||||||||
