Gyrfalco flaweza

Gyrfalco flaweza
Falco rusticolus

blisa katca / zveri

giltafa pulara

Bliind

Dansok

Pula

Veem

Yasa

oxi

Falco

Linnaeus, 1758

katca

Falco rusticolus

Linnaeus, 1758


kira
Abrotce	53 - 60 cm-
Wiltade	120 - 135 cm-
Ault
Aldo	0.9 - 2 kg-
Sinka	zveri is moukolam is tovukol

Tuveli icde Sulemopa

Gyrfalco flaweza ( Falco rusticolus ) tir katca ke Falconidae yasa, tigisa koe naelafa arktikafa lenteka.

Pimtara[betara | va krent betá]

Gazafi zveri[betara | va krent betá]

Riafa Gyrfalco flaweza dem batakaf bruxeem ke Nunaata, tigisa koe gazaf aboyikeem ke Mialukugal is banugale tisa dalaf kevlik ke befoltafa flaweza, va kazawara va oluafa torigira webeyed. Bak 1396 konak francaf jiomik gralomeyen gan Bayezid I turkaf gazik, ika san-toloya batakafa Gyrfalco flaweza zo tunuyayad. Mali XV^-eafa decemda, batmani zveri koe dobulaf tegiv ke Rossia zo miwad ; dene aboyikeem ke Franca bak XVI^-eafa decemda, tev-sanoy korik va bar-decemoya flaweza ke gazik tanon viunsud ! Jontika duga ke Gyrfalco flaweza va vetcoyera ke lo gazaf aboyikeem riweyed, neken befoltafa flaweza kevlik sotir lokaliafa gu wegona viele van wivga estobar. Wori, ke bata toloya katca, flawezaya sotir gijafa is gamiafa loon dam zveriye.

Gyrfalco flaweza va valentexo ke taiga aala is dalon ruga ginobar, koe azeka lidam meftava kale ontine vas mon 900 m-. Gitir deblitafa ; neken lana flaweza valentu Nunaata isu istu voxis valentu Amerika tici idulugal lamason getalad. Voxen sinafa koyara tandeon me tir lidabrotcafa. Gyrfalco flaweza valente Europa is koe Sibira is Alaska is Kanada is Nunaata voxis Islanda belon begamur.

Fliotafo atoxo[betara | va krent betá]

To kene krimta loviele zo kakever kire va pistafa dzeta ta atoxo manlize trasir. Kota tolonga va tawavo welmotafo vas 60 ik 600 km² ok dile loon malsaver. Va intafa sinka is tela ke oceem koe bata vema trasir. Gyrfalco flaweza va begama me vegedur. Flaweza, tici balemeaksat ok bak alubeaksat, ko suxomama fasiayana koe tawa bravon ice butama, va baroyo ok balemoyo ato batakablafotafo is kretsakirafo gu lerke daykar. Voxe va kono atoxo jovleyeno gan ari zveripi oku lizuxo jontikviele impavantar numaze moe vokliba ke aal ok gravida ke kiria va int inker.

Dum aryoni zveri wivgasi ke naelafa lenteka, Gyrfalco flaweza vas aultove dem wivga rupteper. Tod tanda enjapafa gu wivgeem, jontika tolonga me nazbalked.

Afigasuteks[betara | va krent betá]

Gyrfalco flaweza
Zovdaks va Gyrfalco flaweza
Gyrfalco flaweza, talason
Ato ke Gyrfalco flaweza

Xantaza[betara | va krent betá]

Gyrfalco flaweza dene www.europalingua.eu

Notraca[betara | va krent betá]

Pulasa vuestexa is klita[betara | va krent betá]

(en) vuest- : Alan P. Peterson : Falco rusticolus is Falconiformes
(en) vuest- : Animal Diversity Web : Falco rusticolus
(fr+en) vuest- : Avibase : Falco rusticolus
(en) vuest- : Catalogue of Life : Falco rusticolus (Linnaeus, 1758)
(en) vuest- : Walvedeyafa Zveriopafa Aba : Falco rusticolus is Falconiformes
(fr) vuest- : DORIS : espèce Falco rusticolus
(fr) vuest- : Oiseaux.net : Falco rusticolus
(fr) vuest- : INPN : Falco rusticolus (Linnaeus, 1758)
(fr+en) vuest- : ITIS : Falco rusticolus (Linnaeus, 1758)
(en) vuest- : Fauna Europaea : Falco rusticolus
(en) vuest- : NCBI : Falco rusticolus
(en) vuest- : Tree of Life Web Project : Falco rusticolus
(en) vuest- : UICN : Falco rusticolus (Linnaeus, 1758)
(en) vuest- : World Register of Marine Species : Falco rusticolus (Linnaeus, 1758)

Ara vuestexa[betara | va krent betá]

Gyrfalco flaweza (Falco rusticolus) dene Wikispecies

	Yaseem is oxieem ke Flawezadunol (Falconiformes)
Flaweza (Falconidae) ⇒ Flawezot (Daptrius) • Flawezot (Ibycter) • Flawezot (Phalcoboenus) • Flawezot (Caracara) • Flawezot (Milvago) • Flawezot (Herpetotheres) • Flawezey (Micrastur) • Flaweza (Spiziapteryx) • Flaweza (Polihierax) • Flaweza (Microhierax) • Flaweza (Falco)