Dersu Uzala (elpat)

Teliz mal Wikipedia.
Aller à la navigation Aller à la recherche
Dersu Uzala ( elpat ke Akira Kurosawa )

Rupa[betara | va krent betá]

Gralomyes gan wiyuca is viuca is listuca ke « prejan » patectoyeem, Dersu Uzala elpat va alto is swava ko sibirafa taiga aala estobasir, kenefison va kelda ke Arsenyev redakik vestas do abic sayakik va Ussuri grupejena gola poke Sinia.

Moe kelda, bat jotaf fayik va omikye kakever : va Dersu Uzala. Gold ( Nanay ) saneik sokes cane Mandcura is Rossia, Dersu tir tcabanesik mea grupes mali awalkera ke yerumanikya is nazbeikeem va kona lotira, koe datafa aala alizmonon blis.

Kaliapon, sayakik gan Dersu zo memped. Grupesu va taiga aala lidam intafa vukuda, Dersu va sin pomar numen va jontike ikse di taruted, va sinka di trasid, di ugalwad…

Cugunaykaf tisik, dem gloganya, Dersu Uzala kalion vanpir « gadesik » va brinuga. Trumasu va kot sulem, kruptesu da tey is suka is lava tid « gijarotipaf ayik », va Vladimir Arsenyev fu droler. Isen rabatet da kottan zo memper. Batcoba va laizafa is pelkafa vonafa is disafa moebidura redur.

Dersu va grupera va tuwava isu tarkara pu Arsenyev taver. Isen viele, remi merovulkuna nakila ( toloy nik moe oprayana uzda gan miel bak zivotcarapa zo iksed ) guazikye va blira ke Vladimir giwar, aludevafa nuca va sint soe amidapaf toz gluyar. Voxen brinuga tenuwer nume kottel va intafa nia godimlanir. Widavik va aalik van inaf sulemeem is liziranuyuca isker…

Arti alubda, bak 1907, Arsenyev ta warzafa opafa brinuga ko taiga aala gire mallakir. Bam, beka toloy ayik zilison va meka kakevetca va sint al buluyud, kottol va artlanira ke artol pitcar. Konterapa. Sin va sint dablud, kalison va mecoba va sint dimtrasid, va afigasuteks askid, va setikeks dimtegirad. Azen gire lanira koo aala. Voxen rotuca sokir… Konviele, solve cane pemaxo jaktol mwarner, Dersu enide in otcer, va in zeltar nume bakar. Batvielu, koncoba vanmiae tuwavafa vura tir empayana, nume blira ke omikye mevieli di tir mila.

Tire Dersu Uzala va bata zatca kruptena vas rotapsara gan intafe sane nudoderser. Inafo alto tuguazawer isen dare robelina tuwava tuxadawer ise tuarpidawer. Ilbadesu va ayafa gropa, stumanu, Dersu va ganera ke Vladimir nik naler nume den in di blir, koe filtersesa rossiafa widava. Voxe pester kobudenu is licarsanu koe listafa mona ke redakik nume va vieleem djujiadar lize kotvielu al blir…

Acum, tokinde bali ke bat cugunaykaf tcabanesik grupes va kota birga ke taiga aala isu wupe di tir ? Bali ke bat rovaf swavanyapesik dimnepales va ayik gu tuwava vox dere va sane gu are… Efe, va jiadara ke bat eroyaf wiyaf is beraf kind pu rin me ravaldatá. Opelon kalití da « tamava » va intafa udutuca koaykatar.

Ckanef iyelt[va krent betá]

  • Vergumvelt : Derzu Uzala
  • Skura : Akira Kurosawa, sedme neva ke Vladimir Arsenyev
  • Nios : Akira Kurosawa, Yuri Nagibin
  • Warzera : Nikolay Cizov, Yoichi Matsue
  • Lexa : Isaak Schwarz
  • Afigasutes gadesik : Asakazu Nakai, Yuri Gantman, Fyodor Dobronravov
  • Kseara : V- Stepanovoy
  • Warzesu sistu : Mosfilm (Moskva), Tōhō, Nippon Herald Production (Tokyo)
  • Anamzilisu sistu : Sovexportfilm
  • Patecta : TSSS, Nipona
  • Ava : Rossiava
  • Pol : 4 000 000 $
  • Breviz : Kseva - 70 mm- breviz
  • Jijacek : 141 wexa (2 h 21)
  • Awisa evla : 1975

Elpatusik[betara | va krent betá]


Dersu Uzala
XANTO
Vergumvelt Дерсу Узала,
デルス·ウザーラ
Skusik Akira Kurosawa
Akirakurosawa-onthesetof7samurai-1953-page88.jpg
Ava Rossiava
Veyaf suterot Dersu Uzala, berpot ke Vladimir Arsenyev
VK Arsenyev.jpg
Oxi Stuvaf elpat
Evla 1975
Jijacek 141 wexa
betara teza
Nuvola 2.0+ Sculpture.svg  Tuveli icde Yamba  Nuvola 2.0+ Sculpture.svg


Divefa vuestexa[betara | va krent betá]