Biraf Merikol (Enhydra lutris)

Biraf Merikol Enhydra lutris
blisa katca / sulem
giltafa pulara
Bliind	Animalia
Dansok	Chordata
Volveydansok	Vertebrata
Pula	Mammalia
Volveypula	Theria
Tolvolveypula	Eutheria
Veem	Carnivora
Yasa	Mustelidae
Volveyyasa	Lutrinae
oxi
Enhydra
Fleming, 1822
katca
Enhydra lutris
Linnaeus, 1758
Tuveli icde Sulemopa

Tigira ke katca koe lentefa Pacifika Welfa

Biraf Merikol (Enhydra lutris) tir tana moukolafa katca ke Enhydra oxi vey Mustelidae yasa ( Lutrinae volveyyasa ) ke CARNIVORA veem ( CANIFORMIA volveyveem ). Gan Linnaeus bak 1758 taneon zo pimtayar.

Pimtara

Alto ke biraf merikol (Enhydra lutris) sotir kalvekackaf gu lavafamafa blira ise tir gijarotipafo loon dam telo ke ara merikolinda. Taka tir mantafa is anamkafa, isen berga pinafa, isen alto akinta-korafo. Ault tir trelaf kapbure abrotce ke alto, is gejivoton azekaf. Im tir pibaf is vaf, kum pibaf ekemapaf jivotaf myot, dem lodabrotcaf is razackaf imolk bene taka. Larde biraf merikol va vafa sumbada kake lama somedir, iva bada nendasa gu fent dum aryon biraf moukol, batdume duga ke im tir benelafa.

Katcaxo ke biraf merikol kene riwe varafa krimta is jontik ewaleem valente Pacifika welfa lekeon divatceweyer, male Kuril tursia kale Kamtcatka dega, male Aleut tursia kale Pribilov ewaleem is aryona ewala ke Bering vedil, isen male Alaska kale geefa Kalifornia. Batugale, biraf merikol koe anton : tanoya alubeaca ke xantafo tawavo wan tigir. Koe lanyon seg ke Kalifornia is vatalte Alaska is kene Kamtcatka dega is Aleut tursia ware krulder.

Biraf merikol koe laveda anton blir ise va krimtaf lavok vanmiae ezaso vebdixopo nobar. Koe lavok titsuyaf vas 3 is 20 m- loviele tigir voxe dile lotitsuyon pujer. Inaf tegireem koe lava dilized nume mo siday tod anton nazbara va oc ok utardcekap lanir.

Mantode drume domega ok arte abice metre moe siday zavzagir. Biraf merikol tir tan vug cottoraf sidayaf dunol blis koe bira, tir kalvekackaf gu mana blira. Tir blifa is eyackafa katca numen viele me tubemuar, pune vanyer odiakaf tove ayik is dace vanpujer.

Malestusa vertuma ke biraf merikol cugote tir cottorafa. In va lavedaf sulem ebidun tite mid malestur. Va vebdi cugviele malestur. Krivo tir mon acku ke malestukseem isen tulwadunol mon amu. Arak tir kum lonadunol is kabay. Almasa kuga ke pezay is almatcak ke abdueinieem jupad da in va wivga koe mid trasir. Viele va sinka kaaneyar, kal aludeve vas 50 ik 60 m- rodefestobar ise va konaka wexa mekagaelason tiskir. Tod wemtafa tcabanera, dem konak ebiduks va lavek roticpujer. Va sin koe jivotaf soaks ke alma rebokar. Biraf merikol va sinka jontikote godefestur, baxekon vas icle alubeaca ke dalintafo alto.

Biraf merikol tir tan vug dunol grunubokes va xeka. Iliksantutuson va kuldoy sol pistok, va raporki malsaver, tegirason dum myelga. Arbeteson va kuld ke tulwadunol ok kalkafa yuppozla ke krivo, va milafe ckane faver. Valey wivga, va azekafi raporki moe ludevek tredur aze kal lavek malburer. Bam gepujer aze va raporki mo ast aykar aze va ini dum kreyta zanudar liz kevon va kuld gin gan abdueinieem klantar vieli lajuparber. Wori bata aptasafa malsavera va xeka me tir dofa gu sanelieem dem biraf merikol ; ke sanelia ke Komandorski ewaleem, batmana linulara tire meviele al zo dizver. Ostik, biraf merikol va xeka ta fenkura va krivo ok kon kuld ke tulwadunol dile me olegar. Kiren inaf delporeem dem mantapafa sona sotir kalvekaf gu kladara. Tod prantapaf num merotarben kuld, maltioteteson va alto ke tulwa-dunol, biraf merikol va bata toleafa nuva yovar. Jontikviele jupekar : tir deksapaf.

Biraf merikol ( Enhydra lutris ) tir tel merikoldunol lokalvekaf gu lavafamafa blira : koe lava loedje gitiskir. Dile biraf gropeem nover, pune va krimta ilpujeper, voxe poke domega loviele zavzagir. Va krivo ik tulwadunol ik lonadunol is kabay malestur, vox va abictode vebdi.

Kira

• Veem : Carnivora
• Yasa : Mustelidae
• Lum : abrotce ke taka is alto vas 1.2 ik 1.5 m- ( ault vas 25 ik 37 cm- )
• Aldo : 22 ik 30 kg- ( -olye ) ; 15 ik 30 kg- ( -olya )
• Talgeem : 34
• Nazbarugal : bak bet cadim
• Ocagugal : 8 ik 9 aksat
• Occek : 1
• Ikralukruca : arti barda

Vexala dem apteem

Sedme Mammal Species of the World (siatos ke 2005), bata katca vas 3 apta ruldar :

• Merikol (Enhydra lutris lutris) (Linnaeus, 1758)
• Merikol (Enhydra lutris kenyoni) (Wilson, 1991)
• Merikol (Enhydra lutris nereis) (Merriam, 1904)

Pulasa vuestexa is xantaza

• (en) vuest- : Mammal Species of the World (v- 3, 2005) : Enhydra lutris (Linnaeus, 1758)
• (en) vuest- : CITES : Enhydra lutris
• (en) vuest- : UICN : katca Enhydra lutris (Linnaeus, 1758)
• (en, fr) vuest- : ITIS : Enhydra lutris (Linnaeus, 1758)
• (en) vuest- : Tree of Life Web Project : Enhydra lutris
• (en) vuest- : Catalogue of Life : Enhydra lutris (Linnaeus, 1758)
• (en) vuest- : Paleobiology Database : Enhydra lutris (Linnaeus, 1758)
• (en) vuest- : Animal Diversity Web : Enhydra lutris
• (en) vuest- : NCBI : Enhydra lutris

Ara vuestexa

• Biraf Merikol (Enhydra lutris) dene Wikispecies

Kotavafa vuestesa xantaza

• Kotava winugaf moukolaf ravlemak (Kotava, Latinava, 2019)
• Merikol dene www.europalingua.eu

Yaseem is oxieem ke Cottoradunol (Carnivora)

Krapol (Felidae) ⇒ Cuskol (Acinonyx) • Mutcol (Caracal) • Karvemol (Catopuma) • Karvol (Felis) • Rancol (Leopardus) • Abrugol (Leptailurus) • Uksabol (Lynx) • Karvedol (Pardofelis) • Wirikol (Prionailurus) • Mutcumol (Profelis) • Wasol (Puma) • Narmukol (Neofelis) • Krapol (Panthera) • Djampol (Uncia) | Smankol (Viverridae) ⇒ Smankol (Arctictis) • Smankol (Arctogalidia) • Smankol (Macrogalidia) • Smankol (Paguma) • Smankol (Paradoxurus) • Smankol (Chrotogale) • Smankol (Cynogale) • Smankol (Diplogale) • Smankol (Hemigalus) • Batwatol (Prionodon) • Smankol (Civettictis) • Tcipol (Genetta) • Smankol (Poiana) • Smankol (Viverra) • Smankol (Viverricula) | Ratsikisol (Eupleridae) ⇒ Ratsikisol (Cryptoprocta) • Ratsikisol (Eupleres) • Ratsikisol (Fossa) • Ratsikisol (Galidia) • Ratsikisol (Galidictis) • Ratsikisol (Mungotictis) • Ratsikisol (Salanoia) | Smankudol (Nandiniidae) ⇒ Smankudol (Nandinia) | Guritcol (Herpestidae) ⇒ Guritcol (Atilax) • Guritcol (Bdeogale) • Guritcol (Crossarchus) • Guritcol (Cynictis) • Guritcol (Dologale) • Guritcol (Galerella) • Guritcol (Helogale) • Guritcol (Herpestes) • Guritcol (Ichneumia) • Guritcol (Liberiictis) • Guritcol (Mungos) • Guritcol (Paracynictis) • Guritcol (Rhynchogale) • Awentol (Suricata) | Digdatol (Hyaenidae) ⇒ Digdatol (Crocuta) • Digdatol (Hyaena) • Digdatol (Proteles) | Idatcol (Canidae) ⇒ Bresitukol (Atelocynus) • Idatcol (Canis) • Bresitayol (Cerdocyon) • Idukol (Chrysocyon) • Zimbol (Cuon) • Bresitimol (Dusicyon) • Bresitevol (Lycalopex) • Idevol (Lycaon) • Azubol (Nyctereutes) • Bresitanol (Otocyon) • Akakuyol (Speothos) • Bresituzol (Urocyon) • Bresitol (Vulpes) | Rupol (Ursidae) ⇒ Fierdol (Ailuropoda) • Rupol (Helarctos) • Rupol (Melursus) • Rupol (Tremarctos) • Rupol (Ursus) | Piakol (Otariidae) ⇒ Piakol (Arctocephalus) • Piakol (Callorhinus) • Piakudol (Eumetopias) • Piakudol (Neophoca) • Piakudol (Otaria) • Piakudol (Phocarctos) • Piakol (Zalophus) | Lempol (Odobenidae) ⇒ Lempol (Odobenus) | Spedol (Phocidae) ⇒ Spedol (Cystophora) • Spedol (Erignathus) • Spedol (Halichoerus) • Spedol (Histriophoca) • Spedol (Hydrurga) • Spedol (Leptonychotes) • Spedol (Lobodon) • Spedol (Mirounga) • Spedol (Monachus) • Spedol (Ommatophoca) • Spedol (Pagophilus) • Spedol (Phoca) • Spedol (Pusa) | Merikol (Mustelidae) ⇒ Merikol (Aonyx) • Merikol (Enhydra) • Merikol (Hydrictis) • Merikol (Lontra) • Merikol (Lutra) • Merikol (Lutrogale) • Merikol (Pteronura) • Ciuktol (Arctonyx) • Manyadol (Eira) • Manyadol (Galictis) • Manyevol (Gulo) • Mamfol (Ictonyx) • Swetciskol (Lyncodon) • Manyukol (Martes) • Ciuktol (Meles) • Wigursol (Mellivora) • Ciuktedol (Melogale) • Cigavol (Mustela) • Djenetol (Neovison) • Mamfol (Poecilogale) • Ciuktumol (Taxidea) • Telibudol (Vormela) | Krijol (Mephitidae) ⇒ Krijol (Conepatus) • Krijol (Mephitis) • Krijol (Mydaus) • Krijol (Spilogale) | Biugbol (Procyonidae) ⇒ Fortol (Bassaricyon) • Biugbol (Bassariscus) • Inzol (Nasua) • Inzol (Nasuella) • Fortol (Potos) • Biugbol (Procyon) | Kodarol (Ailuridae) ⇒ Kodarol (Ailurus)   Katceem is apteem ke Merikol (Enhydra) Biraf Merikol (Enhydra lutris) ⇒ Merikol (Enhydra lutris lutris) • Merikol (Enhydra lutris kenyoni) • Merikol (Enhydra lutris nereis)