Aller au contenu

Barbizon serna

Teliz mal Wikipedia.

Barbizon sernafrancavon École de Barbizon ) tir yambaf lizor awiyis koe Franca moni 1825 is inkeweyes koe Barbizon wida gee Paris drume Fontainebleau aalxo, nelkon lospas patectoyaf lingesik banlize gilinges va tuwava koe rid.

Mali tena ke XVIII-eafa decemda, lan lingesik va skura va puntaf lordeks koe rid abdi bunera va parmaf grabom koe lingexo toz giltiyid. John Constable batinde dace askiyir. Koe Franca, Théodore Rousseau ( 1812-1867 ) va bata nuva ta redura va geltrevapaf patectoy volson gu ludeem ke cultimevafa yamba malsaveyer. Batdume inafa trutca bolkon gu winugaf bontay zo vewayad. Bam ko Barbizon va int inkeyer, i ko widama poke Fontainebleau aalxo. Ar lingesik kazokeveyed numazen Barbizon vanpiyir xocko lize geltrevaf lingesik va koswara trasiyid. Konak remi yon ilanacek kobliyid solve ar konakaviele abicedje jonvieleyed. Trogarn vas Barbizon serna bak 1890 oxam awiyir. Volto serna tir liz yambik va ckane raved voxe to doda vas yambafa niedara.

Bata lingerinda va kiewatca sizi decemda trasiyir. Bak 1849, Isle-Adam aalxo trutca ke Théodore Rousseau den bontay zo doster aze va moavafa diema war. Bal Tamefa Wonara ke Paris koe 1855, tanoya bonta gu lingesik varon zo ektur. Kot lingesik ke Barbizon serna ( pilkovon Jean-Baptiste Camille Corot is Charles-François Daubigny ) va pilkaf martig dikir, voxen sin gan kuranira va kaikfira va loveem ke cultimafa bunera zo tanad. Ant Jean-François Millet va gimbafa bunesa teza vider, rewason gu tawadayafa ordafa nakila.

Nelkaf lingesik[betara | va krent betá]

Abavafa vexala dem zolonaf lingesik

Yambik Delt Evleem Grabom Katcalaks
Adolphe Appian
1818 – 1898
Francik
Henri Biva
1848 – 1929
Francik
Jules Breton
1827 – 1906
Francik
Louis-Nicolas Cabat
1812 – 1893
Francik
Antoine Chintreuil
1814 – 1873
Francik
Joseph Coosemans
1828 – 1904
Belgik
Jean-Baptiste Camille Corot
1796 – 1875
Francik
Charles-François Daubigny
1817 – 1878
Francik
César De Cock
1823 – 1904
Belgik
Narcisse Díaz de la Peña
1807 – 1876
Francik
Jules Dupré
1811 – 1889
Francik
Léon-Victor Dupré
1816 – 1879
Francik
Constant Dutilleux
1807 – 1865
Francik
Camille Flers
1802 – 1868
Francik
Louis Français
1814 – 1897
Francik
Antoine Guillemet
1841 – 1918
Francik
Henri Harpignies
1819 – 1916
Francik
Eugène Lavieille
1820 – 1889
Francik
Jean-François Millet
1814 – 1875
Francik
François Auguste Ortmans
1826 – 1884
Francik
László Paál
1846 – 1879
Magyarik
Léon Germain Pelouse
1838 – 1891
Francik
Charles-Olivier de Penne
1831 – 1897
Francik
Théodore Rousseau
1812 – 1867
Francik
Paul-Désiré Trouillebert
1829 – 1900
Francik
Constant Troyon
1810 – 1865
Francik
Jules Jacques Veyrassat
1828 – 1893
Francik
Barbizon serna
 Ind Lingeropa
 Sare 1825-1875
 Tigixo Franca
 Yambik Breton, Bruandet, Corot, Daubigny, Díaz de la Peña, Dupré, Millet, Rousseau, Troyon
 Dalaf lizor  Geltreva


 
  Tuveli icde Lingeropa