Aleksandr Beggrov

Teliz mal Wikipedia.
Aller à la navigation Aller à la recherche
Aleksandr Beggrov
1841-1914
Rossiaf lingesik

Aleksandr Karlovitc Beggrov ( rossiavon Александр Карлович Беггров ) ba 29/12/1841 koe Sankt Peterburg koe Rossia koblir. Ba 27/04/1914 koe Gatcina awalker. Tiyir geltrevaf lingesik is bewik ke Avlemodikaf Seltom. Tir katcalaf nope intyon biraf patectoy is trutca va Sankt Peterburg.

Blirizva[betara | va krent betá]

Aleksandr tiyir nazbeik ke Karl Beggrov germanaf lingesik kotedje klepayas koe Rossia. Gorar da di tir birafayik nume bak 1863 va birervolia denfir. Bak 1871-1872 va anamelapira va tamava tulon paker. Ware wetce birafayik bak 1868 va yambafa vayara bokar, gadenon gan Aleksey Bogolyubov. Bak 1873 Beggrov den Yambaf Gazaf Cultim va int bender lize tandon di vayar, gadenon gan Mixail Klodt.

Bak 1874 va birervolia bulur aze ko Paris koe Franca koirubar lize va Bogolyubov katrasir ise wan kobar. Va ar rossiaf yambik sokes koe Franca dum Ilya Repin dere rungruper. Diretandon ko Sankt Peterburg dimlapir aze bak 1878 va Avlemodikaf Seltom yoter ise wonar. Bak 1879 koe Ellasa az Franca toldon birakoyar. Dimon koe Rossia, koe Gatcina koirubar lize kali tena di blir. Kurenikya bak 1903 awalker azen Beggrov remi ironokafa sanda adre akoleper. Ba 27/04/1914 tere kser.

Yona trutca[betara | va krent betá]

Dere rupec[betara | va krent betá]

Avlemodikaf Seltom

Stragela[betara | va krent betá]

  • (ru) Беггров, Александр Карлович, Военная энциклопедия, И. Д. Сытина, 1911—1915.
  • (ru) Беггров, Александр Карлович, Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  • (ru) Минченков Я. Д. Беггров Александр Карлович, Воспоминания о передвижниках. — Издание пятое. — Л.: Издательство «Художник РСФСР», 1965.
  • (ru) С. Н. Кондаков. Юбилейный справочник Императорской Академии художеств. 1764-1914. — Спб.: Товарищество Р.Голике и А.Вильборг, 1915

Aleksandr Beggrov

Aleksandr Beggrov

 Koblira  29/12/1841,
 Sankt Peterburg, Rossia
 Awalkera  27/04/1914,
 Gatcina, Rossia
 Vedeyot  Rossia
 Eba  Lingeropa
 Serna  Geltreva, Avlemodikaf Seltom
  Grabom 
  • Петербургская Биржа, 1891
Crystal Project colors.png  Tuveli icde Lingeropa  Crystal Project colors.png