Félix Vallotton

Teliz mal Wikipedia.
Félix Vallotton
1865-1925
Swizaf az francaf lingesik

Félix Vallotton tir lingesik is gretcasik is balumasik is yambaf malyopasik is berpotik.

Blirizva[betara | va krent betá]

Félix Édouard Vallotton ba 28/12/1865 koe Lausanne koe Swiza koblir lize gadikye va neladolexe gedir. In va pulukaca vayar aze gu Latinava is Ellasava zo dobar, exaksason va griva mu yambeem is lingeropa. Félix Vallotton ko Paris lapir lize dene Julian Cultim raver ; kalion zo tcalar nume va jupekana denfira va Yambafa Bema bak 1883 elicer. Bal tilderugal ko Swiza belon dimdenlapir lize va jontik swizaf yambik ( Biéler is Reichlen is Gaulis is Blancpain ikz- ) rungruper, ise va Charles Maurin is Félix Jasinski dere tunar. Va delt skeur. Inafa yamba gu taveyena cultimeva va int loloviele tunuyackar.

Yambik tir erbargekirapaf. Dene Meruptesikaf Bontay ( 1891 ) taneatomon wonar. Moi 1890 va inta toz gretcar ise va gretcaks kan eau-forte ckane skur, malgrupeson va Rembrandt is Millet. Inafa mana toltuwarzara va bate savsafe ckane jupar da in kalion walvedeyon zo tufiuntar, dum yambik vabdue wituca.

Tis nik ke Vuillard is Bonnard is Maurice Denis, va Nabi rijay denfir aze vanpir dalaf yunkesik va Revue Blanche virda. Bak 1899 va nazbeikya ke Alexandre Bernheim zolonaf trutcadolesik kurer, numen batcoba va klepaviank tcalar. Batvielu va lingeropa ektudar, i va taneafa kubla.

Bak 1900 gu Franca zo tuvedeyotar. Inafa yamba va prostewa me joar voxe kan gijarotifa zikesa keska romplekur, is kan lana luistava lize odjafa uka gu losizuntasa kseva fereon kevaxasa vox dile mekramafa zo goated. Tison loeke meruptes, va anulaf martig bad konaka tanda buner. Ostik Félix Vallotton tir sporgaf zovdasik, va balumaropa yovar, ise suter : yambaf malyopaks is berpot is wenyaxa is vayarundeks is pone ikz-.

Birgaf vox skeus, undesaf is dreldaf, ayafimaf nek brostasaf, jugemes va kaluca vox va int farius gu meja, bat ayik tir birtaf lidamen inafa yamba tir grupeafa nekev laviafa opeluca. Tiyir ke targaf yambikaf rijay ise va kota walvedeyafa wonara pakeyer, don taneaf Muvugalaf Bontay bak 1903 az koe WienOstera ) lize va mon sanoya trutca atoeyer nume gan Gustav Klimt is Hödler zo sendayar.

Vallotton jontikviele koyar, koe Germana is Nederlanda is Sveriga is Italia ikz-. Bak 1909 do Vuillard is Bonnard is Denis is Roussel va zabdura va Ranson Cultim paker edje Künstlerhaus tcila koe Zürich va taneafa inon varon ektudana wonara grustar. Ara wonara radimifid.

Bak idulugal ke 1914 ba daktera va geja, Vallotton koe Honfleur tigir. Wetce kuranik djusegur voxe nope klaa zo vewar. Bak 1917 va redjel worar numaze ta trutca vas gejaf patectoy zo koswar. Tici Gejapa kali 1924 va konaka koyara koe gola ke Franca bokar, ware lingeson edje vanpir loloon akoles.

Bak 1925 Félix Vallotton koe Paris tcobatanon zo koropexer. Ba 29/12/1925 nope tcobara moion mulufter, tison tevsandaf.

Dere rupec[betara | va krent betá]

Trutceem ke Vallotton

Swizaf lingesik

Stragela[betara | va krent betá]

  • (fr) Nathalia Brodskaïa, Vallotton, Parkstone International, « Focus » dotay, 2013, 256 bu, ISBN 978-1-78310-014-9.
  • (en) Graphic Work, Genève, Les Éditions de Bonvent, 1972, 285 bu.
  • (fr) Nathalia Brodskaïa, Félix Vallotton, Parkstone International, « Best Of » dotay, 2013, 205 bu, ISBN 978-17-8160-242-3.
  • (en) Ian Chilvers, The Oxford Dictionary of Art, Oxford University Press, 2004, ISBN 978-0-19-172762-7.
  • (en) Ian Chilvers, The Oxford Dictionary of Art and Artists, Oxford University Press, 2009, ISBN 978-0-19-172763-4.
  • (en) Ian Chilvers is John Glaves-Smith, A Dictionary of Modern and Contemporary Art, Oxford University Press, 2009, ISBN 978-0-19-172675-0.
  • (fr) Maryline Desbiolles, Vallotton est inadmissible, Éditions du Seuil, 2013, 43 bu, ISBN 978-2021134858.
  • (fr) Marina Ducrey, Vallotton, Milano, 5 Continents Éditions, 2013, 112 bu, ISBN 978-88-7439-419-7.
  • (fr) Marina Ducrey is Katia Poletti, Félix Vallotton (1865-1925). L’œuvre peint. Volume I : Le peintre ; volumes II et III : Catalogue raisonné, Milano, 5 Continents Éditions, 2005, 1332 bu, ISBN 88-7439-179-X.
  • (en) Morgan Falconer, The Oxford Companion to Western Art, Oxford University Press, 2003, ISBN 978-0-19-172759-7.
  • (fr) Patrick Grainville is Günter Busch is Bernard Dorival is Doris Jakubec, Vallotton, La Bibliothèque des Arts, 1985.
  • (fr) Rudolf Koella is Katia Poletti, Félix Vallotton (1865-1925). Critique d'art, Milano, 5 Continents Éditions, 2012, 255 bu, ISBN 978-88-7439-577-4.
  • (en) Belinda Thomson, Grove Art Online, Oxford University Press, 1998, ISBN 978-1-884446-05-4.
  • (fr) Maxime Vallotton is Charles Goerg, Félix Vallotton. Catalogue raisonné de l'œuvre gravé et lithographié : Félix Vallotton. Catalogue raisonné of the Printed
  • (en) Félix Vallotton, stragela dene Benezit yambikap, dene Oxford Art Online, 2011, ISBN 9780199773787.
Félix Vallotton

Félix Vallotton

 Koblira  28/12/1865,
 Lausanne, Swiza
 Awalkera  29/12/1925,
 Neuilly-sur-Seine, Franca
 Vedeyot  Swiza az Franca
 Eba  Lingeropa
 Serna  Liteva, Nabi lizor
  Grabom 
  • Le Bain au soir d'été
  • La Blanche et la Noire
  • Femme se coiffant
  • La Viande et les Œufs
  Tuveli icde Lingeropa 
  Tuveli icde Arotieva 
Le Bain au soir d'étéKolavara ba idulugalaf siel ), 1892
Femme se coiffantAyikya usukotasa ), 1900
La Blanche et la NoireBatakikya is ebeltikya ), 1913
La Viande et les ŒufsAtela is ato ), 1918